Foto: Aqorda
Memleket basshysynyń aıtýynsha, Mońǵolııa – Qazaqstannyń mańyzdy seriktesteriniń biri. Qos halyqtyń dástúri men mádenı-tarıhı tamyry ortaq.
«Qurmetti Prezıdent, búgin Sizdiń shaqyrýyńyz boıynsha Mońǵolııaǵa memlekettik saparmen kelip otyrmyn. Maǵan jáne Qazaqstan delegasııasyna, bul – úlken qurmet. Búgin biz ekijaqty mańyzdy qujattarǵa, sonyń ishinde Qazaqstan men Mońǵolııa arasynda strategııalyq seriktestik ornatý týraly deklarasııaǵa qol qoıamyz. Bul qadam elderimizdiń barlyq deńgeıdegi yqpaldastyǵyn jandandyrýǵa arqaý bolmaq. Sondaı-aq qos halyqtyń ıgiligi úshin jańa múmkindikterge jol ashady dep senemin», dedi Qasym-Jomart Toqaev shaǵyn quramdaǵy kelissóz barysynda.
Ýhnaagıın Hýrelsýh Qazaqstan Prezıdentiniń Mońǵolııaǵa memlekettik sapary ekijaqty yntymaqtastyqty múldem jańa deńgeıge kóteretinine senim bildirdi.
Memleket basshysy Qasym-Jomart Toqaev birlesken jobalar men qol qoıylǵan qujattardy sapaly júzege asyrýdyń máni zor ekenin atap ótti.
Prezıdentter halyqaralyq jáne óńirlik kún tártibindegi ózekti máseleler, sonyń ishinde kópjaqty qurylymdar aıasyndaǵy yqpaldastyq jóninde pikir almasty.
Kezdesý sońynda Mońǵolııa Prezıdenti Memleket basshysyna 60 myńnan astam sóz engen Qazaq-mońǵol sózdigin syıǵa tartty.
Mazmundy áńgimelesý barysynda memleketter basshylary saıası, saýda-ekonomıkalyq jáne ınvestısııalyq baılanystardy damytý perspektıvasyna aıryqsha mán berdi. Sondaı-aq aýyl sharýashylyǵy, taý-ken jáne metallýrgııa kesheni, energetıka, kólik-logıstıka, qarjy salalaryndaǵy qarym-qatynas máseleleri talqylandy.«Shyn máninde, eki el arasynda dıplomatııalyq qarym-qatynas ornaǵanyna 30 jyldan asty. Qazaqstan Prezıdentiniń Mońǵolııaǵa memlekettik sapary sońǵy ret osydan 16 jyl buryn bolǵan edi. Elimiz Sizdiń búgingi saparyńyzdy ekijaqty yntymaqtastyqtyń taıaý jyldardaǵy perspektıvti baǵyttaryn aıqyndaıtyn mezet retinde qarastyrady. Bul sapar eki eldiń qarym-qatynasyn strategııalyq seriktestik deńgeıge shyǵarý turǵysynan óte mańyzdy», dedi Mońǵolııa Prezıdenti.
Memleket basshysy Qasym-Jomart Toqaev birlesken jobalar men qol qoıylǵan qujattardy sapaly júzege asyrýdyń máni zor ekenin atap ótti.
Prezıdentter halyqaralyq jáne óńirlik kún tártibindegi ózekti máseleler, sonyń ishinde kópjaqty qurylymdar aıasyndaǵy yqpaldastyq jóninde pikir almasty.
Kezdesý sońynda Mońǵolııa Prezıdenti Memleket basshysyna 60 myńnan astam sóz engen Qazaq-mońǵol sózdigin syıǵa tartty.
