Respýblıkalyq baıqaý memlekettik tildiń qoldanys aıasyn keńeıtý, qazaq tiliniń etnosaralyq qarym-qatynas tili retindegi qyzmetin nyǵaıtý, memlekettik tildi meńgergen qoǵamdyq belsendi azamattardy yntalandyrýǵa baǵyttaldy.
Is-sharaǵa elimizdiń 16 óńirinen kelgen bilim berý salasynyń mamandary, qazaq tilin jetik meńgergen etnos ókilderi qatysty.
Tórt kezeńnen turatyn baıqaý barysynda qatysýshylar qazaq tilinde ózderin tanystyryp, qazaq ádebıetiniń klassıgi Ilııas Jansúgirovtiń mereıtoıynyń taqyrybyn ashyp, qoıylǵan suraqtarǵa mazmundy jaýap berdi jáne qazaq tilinde maqal-mátel saıysynda bir-birine des bermedi.
Qoǵam qaıratkerleri men til janashyrlarynan, fılolog ǵalymdardan quralǵan qazylar alqasy qatysýshylardyń daıyndyqtary men qazaq tilin meńgerý deńgeıin baǵalaı kele, kelesideı sheshim shyǵardy:
- Bas júlde: Qaraǵandy oblystyq Ishki ister basqarmasy «Mámle» qazaq tilinde tildesý klýbynyń muǵalimi Gorızanov Vladıslav Vladımırovıch;
- I oryn: Jetisý oblysy Taldyqorǵan qalasy Shoqan Ýálıhanov atyndaǵy №10 orta mektep-gımnazııasynyń qazaq tili men ádebıeti páni muǵalimi Seıtbekova Naýryzgúl Azızbekovna;
- II oryn: Almaty oblysy Qarasaı aýdany Á.Baısalbaev atyndaǵy orta mekteptiń aǵylshyn tili páni muǵalimi Býrsalov Kamran Muratuly;
- III oryn: Qyzylorda oblysy Qaljan Nurmahanov atyndaǵy №95 orta mekteptiń bastaýysh synyp muǵalimi Barkova Natalııa Andreevna jáne Astana qalasy Tólegen Aıbergenov atyndaǵy №16 mekteptiń muǵalimi Vıznovıch Vıktorııa Igorevna;
- Yntalandyrý syılyǵy: Abaı oblysy Qaraýyl aýyly Abaı atyndaǵy mamandandyrylǵan mektep-gımnazııa ınternaty aǵylshyn tili pániniń muǵalimi Nııazova Ýmýt Mameıovna;
- Yntalandyrý syılyǵy: Túrkistan oblysy Muqaǵalı Maqataev atyndaǵy orta mekteptiń qazaq tili jáne ádebıeti páni muǵalimi Rahmatýllaeva Aıdyn Tahırovna;
- Yntalandyrý syılyǵy: Pavlodar oblysy Ýspen aýdany «Baldyrǵan» balalar estetıkalyq ortalyǵynyń ádiskeri Kolıada Olga Sergeevna.
