Sýret: ru.freepik.com
- 31 qazan men 3 qarasha aralyǵynda Qytaıdyń astanasy Beıjińde shaıbaly hokkeıden áıelder arasyndaǵy Azııa chempıonatynyń jalaýy jelbireıdi. Qytaıda myna oıynshylarǵa senim artylyp otyr: Qaqpashylar – Arına Shekolova («Tomırıs», Astana), Polına Govtva («Torpedo», О́skemen). Qorǵaýshylar – Iýlııa Býtorına, Aleksandra Voronova, Darııa Moldabaı («Tomırıs»), Katrın Meskını, Polına Iаkovleva («Torpedo») Aıda Oljabaeva, Anna Pıatkova, Mádına Tursynova («Aısýlý», Almaty). Shabýylshylar – Málıka Aldabergenova, Pernesh Áshimova, Alına Ivanchenko, Tatıana Koroleva, Larısa Svırıdova («Aısulý»), Sofııa Zýbkova, Dilnáz Saıahatqyzy, Mýnıra Saıahatqyzy («Torpedo»), Ekaterına Kýsenko, Anastasııa Orazbaeva, Nadejda Fılımonova, Aleksanda Shegaı («Tomırıs»).
- 2 qarashada Máskeýde kásipqoı bokstan Álem quramasy men jergilikti «Dınamo» klýby arasynda matchtyq kezdesý ótedi. Sol týrnırge qatysýǵa elimizdiń ókili Ibragım Harsan (9-2-1, 6 KO) shaqyrtý aldy. 57 kg salmaqta saıysqa túsip júrgen 27 jastaǵy jerlesimiz Reseıdiń astanasynda bıyl Eýropa chempıony Edýard Savınmen judyryqtasady.
- Short-trekten Qazaqstan quramasy Kanadada ótken Álemdik týrdyń birinshi kezeńine qatysty. Otandastarymyzdyń arasynda eń úzdik nátıjege Denıs Nıkısha qol jetkizdi. Ol «V» sanatyndaǵy saıystyń 500 metrlik qashyqtyǵynda fınalǵa shyqty. Alaıda sheshýshi tusta «penaltı» alyp, jarysty jalǵastyrý múmkindiginen aıyryldy. 5 000 metrlik estafetalyq jarysta bizdiń jigitter altynshy orynǵa turaqtady.
- Elimizdiń tanymal mánerlep syrǵanaýshysy Mıhaıl Shaıdorov 1–3 qarasha aralyǵynda Fransııanyń Anje qalasynda jalaýy jelbireıtin Gran-prı týrnırine qatysady. Men ózeniniń jaǵalaýynda 8 memleketten kelgen 12 sportshy baq synaıdy.
- Bıylǵy maýsymda halyqaralyq arenada elimizdiń konkıshileri qandaı quramada óner kórsetetini belgili boldy. Aldaǵy jarystarda el namysyn Nadejda Morozova, Krıstına Shýmekova, Krıstına Sılaeva, Inessa Shýmekova, Margarıta Galıeva, Darıa Vajenına, Marııa Degen, Altaı Járdembekuly, Vıtalıı Shıgolev, Nuraly Aqjol, Baqdáýlet Saǵatov, Roman Bınazarov, Evgenıı Koshkın, Nıkıta Vajenı, Andreı Semenov syndy sportshylar qorǵaıdy. Konkıshiler arasyndaǵy alǵashqy jaýapty jarys – «Tórt qurlyq birinshiligi» 15–17 qarashada Japonııanyń Hatınohe qalasynda ótedi.
- Parıjde shymyldyǵy túrilgen ATP Masters týrnırin elimizdiń birinshi raketkasy Aleksandr Býblık sátti bastady. Tusaýkeser kezdesýinde ol ıtalııalyq Fabıo Fonınıden 7:5, 7:5 esebimen basym tústi. Kelesi kezeńde otandasymyz danııalyq Holger Rýne men Apennın túbeginiń taǵy bir tennısshisi Matteo Arnaldı arasyndaǵy básekeniń jeńimpazymen sheberlik baıqasady.
