Foto: azattyq-ruhy.kz
Saýran aýdanynyń turǵyny «O» degen azamat 20 tulǵanyń elektrondy sıfrlyq qoltańbasyn paıdalanyp jalǵan málimetterdi kórsetip, úsh jyl ishinde ıelikterinde shyn máninde joq iri qara maldarǵa memleketten sýbsıdııa (203 mln teńge) alǵan.
«Atalǵan azamattyń zańsyz is-áreketiniń nátıjesinde memleketke eleýli zalal keltirilgen. Oblys prokýratýrasy qarajatty jymqyrý faktisi boıynsha qujattardy SDTBT-ne tirkep (Qylmystyq kodekstiń 189-baby 4–tarmaǵy «Senip tapsyrylǵan bóten múlikti ıemdenip alý nemese talan-tarajǵa salý») sotqa deıingi tergep-tekserý arnaıy prokýrorlarǵa (oblys prokýratýrasynyń qylmystyq qýdalaý basqarmasy) júktelgen», delingen oblystyq prokýratýranyń habarlamasynda.
Kúdiktiniń 2 aı merzimge qamaýǵa alynǵany habarlandy.
