Foto: United world wrestling
72 kelide Qazaqstan namysyn qorǵaǵan Jámılá Baqbergenova fınalda japonııalyq balýanǵa ese jiberdi. Qorytyndy esep 8:6 upaımen jeńis Amı Isııdiń enshisine jazyldy.
Osylaısha áıelder ulttyq quramasynyń kóshbasshysy Jámılá sporttyq mansabynda úshinshi ret álem chempıonatynyń kúmis júldegeri atandy. Sondaı-aq onyń qorjynynda álem birinshiliginiń «qola» medali de bar.
Jámıla Baqbergenova qazaq qyzdary arasynan álem chempıonattarynda 4 márte júlde alǵan alǵashqy balýan ekenin aıta ketý kerek.
Ol fınalǵa deıingi 1/8 básekesinde Emılııa Krechýn 10:0 esebimen tize búktirse, 1/4 fınalda Adel Ganzlıchkovadan (Eýropa chempıonatynyń qola júldegeri) 6:3 upaı sanymen basym tústi. Jartylaı fınaldyq beldesýde Bolortýıaa Zorıgtti (Azııa chempıony) 8:6 esebimen jolda qaldyrdy.
