Foto: sia.ru
2023 jyly Qazaqstannyń IT-ındýstrııasy óziniń qarqyndy ósýin jalǵastyryp, jumyspen qamtý úshin eń tartymdy salalardyń birine aınaldy. IT-kompanııalardyń sany 17 922-ge jetti, bul kórsetkish 2022 jylmen salystyrǵanda 11 paıyzǵa kóp.
Mınıstrdiń aıtýynsha, bul salaǵa qyzyǵýshylyqtyń artýy onyń belsendi damyp kele jatyrǵanyn kórsetedi.
«2023 jyly IT mamandarynyń ortasha aılyq jalaqysy 588 myń teńgeni qurady, bul bir jyl burynǵymen salystyrǵanda 35 paıyzǵa kóp. Bul bilikti kadrlarǵa jáne básekege qabiletti eńbek jaǵdaılaryna degen joǵary suranystyń kórinisi», dedi Jaslan Mádıev.
Sonymen qatar aqparattyq tehnologııalar salasyndaǵy jumyspen qamtý 12 paıyzǵa ósip, 187 myń adamǵa jetken. Mınıstr qyzmetkerler sanynyń artýy salanyń keńeıip, jańa jumys oryndarynyń ashylǵanyn dáleldeıdi dep atap ótti.