Jasampaz býyn bas qosty

Jıynǵa jergilikti máslıhat depýtattary, belgili blo­ger­­ler men qoǵam qaırat­ker­leri qaty­syp, aldyńǵy býyn aǵalar aqyl-keńesimen bólisti. Ashylý saltanatynda elordalyq Jastar saıasaty máseleleri basqarmasynyń basshysy Samat Ibraev forýmnyń maqsat-mindetin atap ótti.

– «Jastar Fest» – elordalyq jas­tar­dyń eń jarqyn ókilde­rin, oıshyl ba­la­lar men kóshbas­shylaryn birik­tir­gen platforma. Bizdiń maqsat – stý­dent­tik orta­da adamnyń quqyqtary men bos­tandyqtaryn qurmetteý qaǵı­dat­taryna negizdelgen ózara syılastyqty qalyptastyrý, lý­do­manııanyń, devıant­ty mi­nez-qulyqtyń aldyn alý, adam­gershilik normalaryn sińirý, 2024–2025 jyldarǵa arnalǵan «Astana – esirtkisiz qala» nashaqorlyqqa qarsy is-qımyl jáne aldyn alý jónindegi is-sharalar jospary aıasynda memlekettik jas­tar saıasatyn qoldaý, sáıkesinshe teris ádetterden qorǵaý. Sondyqtan bul alań jas kóshbasshylarymyzǵa óz qyz­meti sheńberinde qoǵamǵa rý­­hanı qun­dylyqtardy, «Adal aza­­mat» qaǵıdatyn meılinshe keńi­­­nen nasıhat­taýǵa sep bolady. Ári is-shara jastar úshin oı túıip, jańa bastamalaryna ser­pin be­retinine senimdimin, – dedi ol.

Jastar aldynda sóz alǵan As­tana qalasy máslıhatynyń depý­taty, tanymal telejýrnalıst Láılá Sultanqy­zy qazirgi qoǵam­da ótkir turǵan másele­ler­di aıtyp, sebep-saldaryn ashyp
kórsetti.

– Búginde oqýyn aıaqtaǵan keı tú­lek ózindik ómir jolyn qaı sa­lamen baılanystyra­ryn bil­meı, jumyssyz jastar qataryn tolyqtyryp júr. Tipti olar eń­bekke aralasýǵa múmkindik bere­tin «Bolashaq», «Serpin», «Dıp­lommen – aýylǵa!» sekildi mem­le­kettik baǵdarlamalardyń baryn bilmeı jatady. Oılap qara­saq, qazirgi ýaqyt – múm­­kin­­dikter qanatyn jaıǵan ke­zeń. Qa­rapaıym ınternet ar­qy­ly kóp dú­nıeni oqyp, bir­ne­she tildi tegin meńge­rip alý­ǵa bo­lady. Áleýmettik je­li­de qyzy­ǵýshylyǵyna ne qun­dylyǵyna saı jeke brend qa­lyp­tastyrýǵa da múmkindik bar. Árıne, bul – saldarmen kú­re­sý ǵana. Al máseleniń má­ni­sine úńilsek, oǵan túrtki bo­lyp otyrǵan – otbasy ınstıtý­tyn­daǵy tálim-tárbıe, bilim sala­syndaǵy baǵyt-baǵdar berýdegi olqylyqtar. Máselen, ata-analar kóp jaǵdaıda balalaryna aqyl aıtady. Biraq esh ýaqytta balasymen birge otyryp, pikir almasyp, oıyn talqylamaıdy. Balany túsiný úshin aldymen onyń ortasyna zer salý qajet, – dedi L.Sultanqyzy.

О́z kezeginde marketolog jáne Jastar saıasaty jónindegi keńes múshesi Rasýl Abdýllaev jastarǵa áleýmettik jelilerdi qalaı tıimdi paıdalaný kerek ekenin, ózindik baǵytty tańdaýdaǵy aqyl-keńesin aıtty.

– Eger siz matematıkany jaq­sy kórseńiz, onda marketıng sa­lasy sizge sáıkes keledi. Mate­ma­tıkter satýmen, targetpen, tal­daýlarmen aınalysady. Al tarıh pen geografııaǵa búıregińiz buryp tursa, brend menedjeri mamandyǵyn tańdaı alasyz. Negizi bul mamandyq kóp otandastarymyzdyń bolmysyna jaqyn keledi. Menińshe, qazir kreatıvti ónim oılap tabýda elimizdegi adam kapıtalynyń áleýeti zor, – dedi sarapshy.

Forýmda IT-degi tanymal ma­man­dyqtar men salada jetistikke jeteleıtin keńesterimen aqparat­tyq qaýipsizdik jónindegi sarapshy Medet Týrın bólisti.

– IT salasynda eń tanymal maman­dyqtar bar. Olar – baǵdarlamashylar, testileý ınjenerleri, derekterdi taldaýshylar, UX/UI dızaınerleri, IT-marketologter, jasandy ın­tellekt mamany jáne taǵy basqalary. Osy baǵytty tańda­ǵan jastar óz mashyqtaryn damy­týǵa, kásibı baılanystar jelisin qurý­ǵa ári únemi oqýǵa daıyn bolýy qajet. Sondaı-aq kez kelgen jas kıbermádenıet pen kıbergıgıenany ustanýy kerek, – dedi M.Týrın.

Al Astana qalasy máslıhaty­nyń depýtaty Arslanbek Maǵzum jastar­dyń elimizdiń qoǵamdyq úderisine qatysýynyń mańyzyn atap ótti. Sony­men qatar depýtat jas býyndy qorshaǵan ortaǵa uqypty qaraýǵa shaqyrdy.

– HHI ǵasyr jastarynyń aldynda qazir kóptegen múmkindik ashyldy. Bul – elordada ótip jatqan keremet is-sharalar ǵana emes, túrli grant, tegin kýrs­tar. Qazir jas mınıstrler, depýtattar, basqarýshylar bar ekenin bárimiz bilemiz. Jastardyń memlekettik qyzmetke barýdan qoryqpaıtynyn aıtqym keledi. Men jergilikti máslı­hattyń depýtaty bola otyryp, ıdeıalardy usynýǵa, jastardyń quqyǵyn qorǵaýǵa, qala men eldiń mańyzdy oqıǵa­laryna basshylyq etýge jáne qatysýǵa bolatynyna mysal keltire alamyn. Memleket jastardyń máse­lelerine kóp kóńil bóledi. Jastar saıasaty aıasynda túrli aksııa men is-shara uıymdastyrylyp ta júr. Bir «Taza Qazaqstan» aksııasyn aýyz toltyryp aıtýǵa bolady. El tazalyǵyna úndegen naýqan til, mádenıet, oı, minez-qulyq tazalyǵyn da qaýzaıdy. Sondyqtan respýblıkalyq ak­sııa­nyń máni tereń, – dedi spıker.

Jalyndy jastar jıynynda «Joltap» áleýmettik jobasynyń múmkindikteri de qozǵaldy. Joba jetekshisi Dana Júnisova otan­dastarymyzǵa sıfrlyq kásipti oqytý jáne jumysqa ornalas­tyrý múmkindikteri týraly toly­ǵyraq aıtyp berdi.