Atalǵan ýchaskede avarııalyq jaǵdaıda turǵan ǵımarat anyqtaldy. Bul kınostýdııa mamandarynyń birneshe ret júrgizgen tekserýlerinde rastaldy. Aýmaqtaǵy qaýipsizdikti qamtamasyz etý jáne jazataıym jaǵdaılardyń aldyn alý maqsatynda «Qazaqfılm» Almaty qalasy ákimdiginiń ókilderin tarta otyryp, keshendi saraptama júrgizýdi bastady.
«Sarapshylardyń qorytyndysy boıynsha osy ǵımaratty qaýipsiz paıdalaný úshin qajetti sheshimder qabyldanady. Jer ýchaskesi men keshendi satý týraly barlyq aqparat jalǵan. Bul jalǵan aqparat ári qaraı taralǵan jaǵdaıda sotqa júginýge quqyǵymyz bar.
«Qazaqfılm» kınostýdııasynyń aýmaǵyndaǵy ótkizý rejıminiń qatańdatylýy týraly habarlamalar da shyndyqqa janaspaıdy. Qoldanystaǵy ótkizý júıesi qyzmetkerlerdiń qaýipsizdigin qamtamasyz etýge jáne kınostýdııa múlkin qorǵaýǵa arnalǵan. Mundaı sharalar álemdegi barlyq kınostýdııalarda qalypty tájirıbe bolyp sanalady jáne urlyq, órteý jáne basqa da oqıǵalardyń aldyn alý úshin qajet. Jaqynda engizilgen qaýipsizdik sharalary stýdııa aýmaǵynda bolǵan órt pen qyzmetkerlerge jasalǵan shabýyl sııaqty oqıǵalarǵa jaýap retinde jasalyp, stýdııada jumys isteıtinderdiń barlyǵyn qorǵaýǵa baǵyttalǵan», delingen vedomstvonyń resmı dereginde.
Sonymen qatar Qazaqfılm basshylyǵy kınojobalardy qarjylandyrý týraly aqparatty túsindirýdi jón kórgen. 2023 jyly Ulttyq kınony qoldaý memlekettik ortalyǵy 18 jobany óndiriske jiberip, olardyń 10-yn 70%-dan astam qarjylandyrdy. Onyń ishinde eki joba 100% qarjylandyryldy.
«Al qalǵan segiz joba 50%-dan tómen qarjylandyrý aldy, alaıda olardyń birqataryna aralyq tólemder jasaldy. Keıbir jobalardy qarjylandyrýdyń keshigýi Qazynashylyq komıtettiń kesh qarjy bólýimen baılanysty. Sonymen qatar, keshiktirilý esepterdiń ýaqytyly tapsyrylmaýymen de baılanysty, bul kelesi transhtardy alý úshin qajetti shart», dep málimdedi ujym basshylyǵy.
«Qazaqfılm» kınostýdııasy jalǵan aqparat taratý Qazaqstan Respýblıkasynyń zańnamasyna sáıkes jaýapkershilikke ákeletinin eske salady. Ujym aqparat berýde dáldikti saqtaýǵa shaqyrady jáne bedelin qorǵaý, jalǵan málimet taratqandardy jaýapqa tartý úshin tıisti organdarǵa júginýge quqyly.
