Ashylýǵa bir saǵat qalǵanda-aq, esik mańynda balalar men eresekterdiń uzyn-sonar kezegi paıda boldy.
Alǵashqy kelýshiler úshin ashylý saltanaty uıymdastyryldy.
- Almatylyqtardyń, turaqty kelýshilerdiń pikiri men ótinishin eskerdik. Is-sharalardy uıymdastyrýǵa jaýapty barlyq qyzmet muz aıdynyn tolyq daıyndap úlgerdi, qajetti ınfraqurylym tolyǵymen daıyn, qala turǵyndarynyń ýaqytyn osynda ótkizetinine qýanyshtymyz, - dedi sport nysandary dıreksııasynyń ókili Oljas Ersheev.
Sanaýly mınýtta ýaqytyn paıdaly ótkizýge asyqqan adamdar aıdynǵa lyq toldy.
Sonymen qatar kelýshiler úshin qazaqstandyq estrada juldyzdarynyń konserti uıymdastyryldy.
Jańa maýsymda qonaqtardy kúndelikti jappaı syrǵanaý, merekelik is-sharalar jáne sporttyq jarystar kútedi. Kelýshiler konkıdi jalǵa alyp, demalys aımaǵyn paıdalana alady. Qonaqtardyń yńǵaıy úshin muz aıdyny aýmaǵynda jyldam tamaqtaný oryndary da uıymdastyrylady.
