Foto: Qazaqstan boks federasııasy
Qazaqstan boks federasııasy álem chempıonatynda qazaq boksshylary 6 altyn, 1 kúmis, 9 qola medal jeńip alǵanyn habarlady.
Jastar sapynan el namysyn qorǵaǵan Beksultan Boranbek (51 keli), Tórehan Sabyrhan (67 keli), О́ner Seıilhan (71 keli), Sanjaráli Begalıev (75 keli), Elıanýr Turǵanova (50 keli) jáne Arýjan Zeınollaeva (81 keli) jarysty altyn júldemen qorytyndylady.
Kúmiske qyzdar quramasynan baq synaǵan Uldana Taýbaı qol jetkizdi. Qola júldeni Dıas Berikbaı (48 keli), Janseri Kósherbaev (57 keli), Rasul Asanhanov (92 keli), Aslan Eldibaıuly (92 keliden joǵary), Ánel Abdrasılova (48 kg), Baǵjan Otynbaı (52 keli), Tolǵanaı Kasymhan (60 keli), Arýjan Jańabaeva (63 keli), Shuǵyla Nálibaı (75 keli) jáne Panar Seıithanqyzy (81 keliden joǵary) enshiledi.
Osylaısha, Qazaqstan jastar quramasy chempıonatty komandalyq esepte birinshi tuǵyrdan tabylsa, ekinshi satydan О́zbekstannyń jas boksshylary kórindi. Úzdik úshtikti Reseı boksshylary túıindedi.
