Foto: egemen.kz/ Erlan Omar
Ádil Qusmanov lıberalızasııa baǵytyndaǵy josparly jumystyń aldyn ala nátıjesi retinde QR Prezıdenti Qasym-Jomart Toqaevtyń «Ekonomıkany lıberalızasııalaý sharalary týraly» Jarlyǵyna nazar aýdarady.
Onda kásipkerlerdiń erkin jumys isteýin qamtamasyz etýge baǵyttalǵan bastamalar kórsetilgen. Olarǵa básekelestikti damytý, memlekettiń ekonomıkaǵa qatysýyn azaıtý jáne bıznestiń shyǵyndaryn tómendetý kiredi.
«Munda memlekettik satyp alýlarda «sary better» qaǵıdasyn engizýdi, jekeshelendirý jónindegi ulttyq keńseni qurýdy jáne jekeshelendirýge jatatyn memlekettik nysandarǵa naqty talaptardy ázirleýdi atap ótý qajet. Eseptilikti qamtamasyz etý boıynsha, memleket basshysynyń «Ulttyq qor – balalarǵa» bastamasyna nazar aýdarý mańyzdy. Onyń tikeleı ekonomıkalyq jáne áleýmettik baǵytyna qaramastan, bul bastamanyń negizgi maǵynalarynyń biri – Ulttyq qordyń qyzmetiniń ashyqtyǵy jáne qoǵamdyq baqylaýy. Taǵy bir oń áseri – Qor qarajatyn tıimdirek paıdalaný jáne onyń tabystylyǵyn arttyrý bolyp tabylady», deıdi Ádil Qusmanov.
Barsha azamattardyń múmkindik teńdigin qamtamasyz etý máselesinde memleket bazalyq múmkindikter deńgeıin kóterý saıasatyn ustanyp otyr.
«Bul sapaly bilim men densaýlyq saqtaýǵa teń qoljetimdilikti (mysaly, «Aýyldyq densaýlyq saqtaýdy jańǵyrtý» ulttyq jobasy, mektepke deıingi jáne mekteptegi bilimmen qamtýdy keńeıtý jáne t.b.), negizgi ınfraqurylymǵa qoljetimdilikti arttyrýdy jáne turǵyn úı-kommýnaldyq qyzmetterdi úzdiksiz jetkizýdi qamtıdy. Memleket ósip kele jatqan saıyn, «jyldam jeńister» dáýiri aıaqtalyp, keıingi memlekettik ózgeristerdiń sıpattamalary negizdilik pen uzaq merzimdilikke aınalyp jatyr. Qazirgi ýaqytta Prezıdent Q. Toqaevtyń negizgi reformalary dál osy jolmen júzege asyrylyp jatyr», deıdi «Ekonomıkalyq zertteýler ınstıtýty» AQ basqarma tóraǵasynyń orynbasary.
