Foto: stopfake.kz
Ejelgi tirshilik ıesiniń dene uzyndyǵy 15 metrge jetedi. Ýfologtardyń pikirinshe, qubyjyq kól túbindegi úńgirlerde jasyrynady. Al sý aıdynynda qubyjyqtyń baryn qyryldaǵan dybystardan jáne sýdyń shalpyldaǵanynan baıqaýǵa bolady eken. Ǵalymdardyń aıtýynsha, keltirilgen málimetter shyndyqqa janaspaıdy.
Kókkól óziniń erekshe fızıkalyq qasıetterine baılanysty Qazaqstannyń anomaldy aımaqtarynyń tizimine engen. Mundaǵy sý árdaıym taza, biraq kólge eshqandaı ózen quımaıdy, Kókkóldiń sýy da eshqaıda aqpaıdy. Taǵy bir ereksheligi – sýda shuńqyrlar jáne uzyn jolaqty tolqyndar paıda bolady. Bul sý astynda uzyn ań júzip kele jatqandaı áser qaldyrady.
Ártúrli elderdiń gıdrologtary Kókkólge kópten beri qyzyǵýshylyq tanytyp, zertteýler júrgizip, Kókkóldiń muzdaqtardan jáne taý jynystarynyń morenalyq qyrtystar qabatynda paıda bolǵanyn anyqtady. Morena – geologııalyq shógindiler. Jaı sózben aıtqanda, ártúrli synyq materıaly. Bul – úlken tastar jáne usaq tastar.
Morenalarda kanaldar, shuńqyrlar, sý astyndaǵy úńgirler paıda bolýy múmkin. Sý aýada sińirilgen kezde, oǵash ýildegen dybystar, shuńqyrlar paıda bolady.
Kókkól – tylsym kúshke toly jer. Dese de, onda qubyjyq mekendemeıdi. Gıdrolog ǵalymdar sý betindegi oǵash dybystardy, shuńqyrlar men tolqyndardy onyń paıda bolýymen baılanystyrady.
