Foto: Vıdeoskrın. TJM
Hromtaý aýdanyna qarasty Abaı aýyly mańynda 2 er adam aýa raıynyń qolaısyzdyǵyna qaramastan mal tekserýge ketip, qarda turyp qalǵan.
Dereý jetken qutqarýshylar qar qursaýynda turyp qalǵan jeńil avtokóligin evakýasııalap, habar berýshilerdi qutqardy. Oǵan qosa, qaıtar jolda dál solaı qarda turyp qalǵan jeńil kólikti baıqap, taǵy 2 adamdy evakýasııalaǵan. Turǵylyqty jerine jetkizilgen azamattar medısınalyq kómekke muqtaj bolmaǵan.
Aýa raıynyń qolaısyzdyǵyna qaramastan mal jaıýǵa shyǵyp, baılanysqa shyqpaı qalǵan 1959 jyly týǵan er adamdy izdestirý-qutqarý jumystarynyń nátıjesinde oblys ortalyǵynyń Qurshysaı turǵyn alabynan 8 shaqyrym jerde qutqarýshylar boran saldarynan baǵdarynan aıyrylǵan adamdy tapty. Ol medısınalyq kómekti qajet etpegen.
Jalpy aıta ketsek, ótken táýlikte Aqtóbe oblysynda aýa raıynyń nasharlaýyna baılanysty TJD bólimsheleri 23 ret jolǵa shyǵyp, oǵan 200-ge jýyq qyzmetker men 40-tan astam tehnıka tartylǵan. Nátıjesinde 6 adam qutqarylǵan, onyń ishinde 2 bala, 5 adam, onyń ishinde 1 bala evakýasııalandy. 42 adam qaýipsiz jerge jetkizildi.
