Vıse-premerdiń jumys sapary Buqar jyraý aýdanynyń Samarqand aýylynan bastaldy. Munda qazir «Aýylda densaýlyq saqtaýdy jańǵyrtý» ulttyq jobasy boıynsha dárigerlik ambýlatorııanyń qurylysy aıaqtalýǵa jaqyn. Burynǵy ǵımarat órtenip, dárigerler qazir naýqastardy beıimdelgen orynda qabyldap jatyr. Medısınalyq mekemege Samarqandtyń 1,3 myń turǵyny jáne jaqyn mańdaǵy tórt aýyl tirkelgen.
«Bizge jańa ǵımarat salyp bergenine barlyq turǵyn qýanyshty. Munda prosedýralyq kabınet, zerthana jumys isteıdi. Fızıoterapııalyq em men ımmýnoprofılaktıka júrgiziledi. Dárihana qoımasy da bolady. Iаǵnı azamattar ózderine tıesili tegin dári alý úshin endi qalaǵa nemese aýdanǵa sabylmaıdy», dedi medbıke Ásem Jaýdına.
Medısınalyq mekeme 1 300 adamǵa qyzmet kórsetedi. Samarqand aýyly men jaqyn mańdaǵy taǵy 4 aýyldyń turǵyny endi osy mekemege kele alady. Jalpy, Qaraǵandy oblysynda «Aýylda densaýlyq saqtaýdy jańǵyrtý» baǵdarlamasy aıasynda 92 nysannyń qurylysy josparlanǵan. Onyń ishinde 14 nysan 2023 jyly paıdalanýǵa berildi. Jyl sońyna deıin taǵy 27 nysan ashylady. Qalǵandary kelesi jyly bitýge tıis. Bul Memleket basshysynyń tapsyrmasyna sáıkes aýyl turǵyndaryn qoljetimdi ári sapaly medısınalyq kómekpen qamtamasyz etý maqsatynda júzege asyrylyp jatyr.
Sondaı-aq Tamara Dúısenova «Aýyl amanaty» baǵdarlamasynyń iske asyrylý barysymen tanysty. Memleket basshysy Joldaýda onyń tıimdiligin joǵary baǵalaǵan bolatyn. Baǵdarlama aýyl turǵyndarynyń kirisin arttyrýǵa jáne jumys oryndaryn ashýǵa baǵyttalǵan. Bıyl «Aýyl amanaty» baǵdarlamasyna Petrovka aýylynda mal ósiretin kásipker Temirlan Qanatov ta qosyldy. Jas kásipker aýylda óz isin damytýdy kózdeıdi. Jeńildetilgen nesıe rásimdep, 11 saýyn sıyrdy satyp alǵan. Saýylǵan sútti jergilikti kásiporyndardyń birine óńdeýge ótkizip otyr.
«Aýyl turǵyndary úshin osyndaı baǵdarlama bolǵany tıimdi. Bizde óz isimizdi ashýǵa múmkindik bar. Eń bastysy – ónimdi ótkizý jolynyń júıesin qalyptastyrdy. Bizde bári jaqsy, eshqandaı problema joq. Barlyq sútti ótkizip otyrmyz. Al túsken qarajatqa malǵa jemshóp satyp aldym, elektr qýaty úshin tóledim, maldy qystatýǵa oryn daıyndadym. Bolashaqta kásibimdi damytyp, sút óńdeý men sút ónimderin óndirý sehyn ashqym keledi», deıdi T.Qanatov.
Botaqara kentiniń turǵyny Andreı Stepanenko kásipkerlikti qoldaýdyń biryńǵaı keshendi baǵdarlamasy aıasynda qaıtarymsyz grant alǵan. Kólik jóndeý ortalyǵy úshin qajetti qural-jabdyq satyp alypty. Buryn jumyssyz bolǵan jáne ekinshi toptaǵy múgedektigi bar. Qazir ol tek ózin jumyspen qamtyp qana qoımaı, eki aýyldasyna tabys kózin taýyp berdi. Aldaǵy ýaqytta «Aýyl amanaty» baǵdarlamasy boıynsha nesıe alyp, bıznesin keńeıtýdi josparlap otyr.
Premer-mınıstrdiń orynbasary óńir basshysy Ermaǵanbet Bólekpaevpen birge «Aýyl amanaty» jobasyn iske asyrý boıynsha keńes ótkizdi. Oǵan oblystyń aýdan jáne aýyldyq okrýg ákimderi qatysty. Baǵdarlamanyń respýblıkalyq monıtorınginiń nátıjesi baıandalyp, basqa oblystarda júzege asyrylǵan úzdik jobalar úlgi retinde tanystyryldy. Aımaq basshysy E.Bólekpaev jobanyń aýyl turǵyndary arasynda suranysqa ıe ekenine toqtaldy. Byltyr 456 shaǵyn nesıe berilgen. Onyń kópshiligi jeke qosalqy sharýashylyq ıelerine arnalǵan. 639 jumys orny ashylyp, 62 aýylsharýashylyq kooperatıvi quryldy. Keńes barysynda eki iri kásiporyn – «Kazakhmys» jáne «Qarmet» kompanııalarymen memorandýmǵa qol qoıyldy. Olar qyzmetkerlerin tamaqtandyrý úshin jergilikti ónimdi satyp almaq.
«Prezıdenttiń tapsyrmasymen biz «Aýyl amanaty» jobasynyń aımaqtarda qalaı júzege asyrylyp jatqanyna monıtorıng júrgizdik. Qaraǵandy oblysynda berilgen nesıeniń arqasynda óz kásipterin ashqan jandarmen kezdestik. О́ndiristi keńeıtýdi josparlap otyrǵan olar osyndaı múmkindik úshin rızashylyq bildirip jatyr. Negizgi mindetterdiń biri – ónimdi satýdy uıymdastyrý. Osy maqsatta búgin memorandýmdarǵa qol qoıyldy. Bul eki kompanııada 63 myńnan asa adam jumys isteıdi. Al jumysshylardy tamaqtandyrýǵa jumsalatyn shyǵyn 10 mlrd teńgeden asady. Memorandým naqty nátıje berýi kerek. Bul iri kásiporyndarǵa óńirdiń ekonomıkasyna úles qosýǵa mol múmkindik. Al aýyl turǵyndary óziniń standarttarǵa saı keletin ónimderin sata alady», dep túsindirdi Tamara Dúısenova.
Ol aýyl ákimderiniń mindeti memlekettik qoldaý quraldary týraly aqparatty ár turǵynǵa jetkizý ekenin atap ótti.
Vıse-premer sondaı-aq sportty damytý máseleleri boıynsha Qaraǵandy oblysyndaǵy sport uıymdary men balalar-jasóspirimder mektepteriniń basshylarymen keńes ótkizdi. Týrızm jáne sport vıse-mınıstri Serik Jarasbaev josparlanǵan ózgerister týraly baıandady. Sporttyq qaýymdastyq balalar men jasóspirimderge arnalǵan sport mektepterin qarjylandyrýǵa arnalǵan jan basyna shaqqandaǵy normatıvti engizý týraly óz usynystaryn bildirdi. Kelesi jyldan bastap bul norma qanatqaqty joba retinde, onyń ishinde Temirtaý qalasynda da synaqtan ótkiziledi.
T.Dúısenova aıtylǵan pikirler men usynystardy arnaıy qurylǵan jumys toby muqııat qaraıtynyn atap ótti.
