9 qarashadan 10 qarashaǵa qaraǵan túni qaladan 2 400 tekshe metr, 188 reıs qar shyǵaryldy.
«Eń aldymen joldarda keptelis bolmaýy úshin óte qarqyndy qozǵalys aımaqtary, keıin ortasha qarqyndylyǵy bar ýchaskeler-alańdar, vokzal mańy, trotýarlar, áleýmettik nysandarǵa kiretin joldar jáne t. b. oryndar qardan tazartylady», - dep habarlady Astana ákimdigi.
Qalada birneshe jabdyqtalǵan qar polıgondary bar. Ol jerge beınebaqylaý kameralary ornatylǵan, jaryqtandyrý qosylǵan.
Aýa raıynyń qolaısyzdyǵyna baılanysty Astana ákimdigi qala turǵyndary men qonaqtarynan jazataıym oqıǵalardy boldyrmaý úshin kóshede júrgende óte muqııat ári saq bolýdy suraıdy.
