Foto: pixabay.com
Quramynda esirtki bar ósimdikterdi ósirý faktilerin anyqtaýǵa, jasyryn egistikter jáne plantasııalardy joıýǵa baǵyttalǵan is-sharalar barysynda 1607 esirtki qylmysy anyqtalǵan. Onyń ishinde 799 satý faktisi, esirtkini zańsyz saqtaýdyń 194 faktisi, 245 ósirý faktisi.
Zańsyz aınalymnan 21,5 tonna esirtki tárkilengen, onyń ishinde 1,5 kg-nan astam geroın, shamamen 4,5 tonna marıhýana, 200 kg-nan astam gashısh, 187 kg sıntetıka, 16 tonnadan astam kannabıs ósimdigi, quramynda esirtki bar ósimdikterdiń 180 myń butasy anyqtalǵan.
«Sonymen qatar operasııa barysynda polısııa eki uıymdasqan qylmystyq toptyń áreketine tosqaýyl qoıdy. Qaraǵandy oblysynda uıymdasqan top anyqtaldy. 15 kúdikti ustaldy. Olar «mefedrondy» Telegram arqyly satqan. Qazirgi ýaqytta tergeý jalǵasýda. Almatyda 5 adamnan turatyn uıymdasqan top áshkerelendi. Bular da ınternet-resýrstardyń kómegimen sıntetıkalyq esirtki satýmen aınalysqan. Tintý kezinde kúdiktilerden 20 kg «mefedron» jáne 750 kg prekýrsor tárkilendi», dedi IIM resmı ókili Shyńǵys Alekeshev.
