Ásirese syn men syqaqqa, ázil men ájýaǵa toly «Qyzyǵy mol sol jyldar» atty birinshi bólimi oqymasyńa qoımaıtyn syndy. «Betashardyń bes somy» degen taqyryptyń ózi menmundalap turǵan joq pa?
Ekinshi, úshinshi bólimderi – «Egemendiktiń alǵashqy lebi» hám «О́mirdiń óz beınesi» atalypty. Bul jóninen kelgende, kitap týraly jazǵan avtorlardyń pikiri nazar aýdartady. «Myna kitapqa jazylǵan maqalalardyń bir bóligi ótken ǵasyrdyń sonaý toqsanynshy jaldarynyń basynda jazylyp, qazir tarıh tórinde qalǵan «О́rken» aptalyǵynda jarııalanǵanymen, qundylyǵy áli joǵalmaǵanyna tańǵalamyz. Sol sııaqty, endi ǵana «Egemen Qazaqstan» atanǵan gazette kótergen taqyryptary shırek ǵasyrdan soń da jurtshylyqty tolǵandyrady eken. Muny ásirese, Baıqońyr ǵarysh aılaǵyna qatysty maqalalarynan baıqadyq. Baıqońyrǵa baryp, bul kúrdeli keshenmen egjeı-tegjeıli tanysyp, ishek qyryndysyn aqtarýǵa qabileti jetkender biren-saran» depti qalamger Qaınar Oljaı.
Maqalalar jınaǵynyń tórtinshi hám besinshi bólimderi «Igi ispen iz salǵandar» jáne «Kýrstastar kelbeti» dep aıdarlanypty. Qurǵaq, qara maqalalar emes, kitaptyń kótergen júgi materıaldardyń taqyrybynan-aq kórinedi. Oqyrman oljasyna aınalar degen oıdamyz.
