foto: Almaty qalasy TJD
Jas qaharman Álıhan Jaqsylyq Tótenshe jaǵdaılar mınıstriniń buıryǵymen «Sýǵa batqandardy qutqarǵany úshin» medalimen marapattaldy. Oǵan syılyǵyn Almaty qalasy Tótenshe jaǵdaılar departamentiniń bastyǵy Nurlan Atyǵaevtyń ózi tabys etti.
«Shuǵyl áreket etkenińiz úshin rızashylyǵymyzdy bildiremiz — sizdiń sheshimtaldyǵyńyz arqasynda qaıǵyly jaǵdaıdyń aldy alynyp, balanyń ómiri saqtaldy», dedi TJD basshysy.
Aıta keteıik, Álıhan Jaqsylyq 2020 jyly Qyzylorda oblysyndaǵy «Bolashaq» ýnıversıtetin dene shynyqtyrý jáne sport mamandyǵy boıynsha támamdaǵan. Ony qoldaýǵa ata-anasy Sáken Orazbaev pen Baqytgúl Súgirova, ájesi Baǵjan Qalbaıqyzy bardy.
Eske salaıyq, 27 qazan kúni Qyzylorda qalasynyń týmasy Álıhan Jaqsylyq jumys jáne ýaqytsha baspana izdep Almatyǵa kelgen. Saǵat 14:00 shamasynda Maqataev kóshesi mańyndaǵy Esentaı ózeniniń jaǵalaýynda kele jatyp, kenetten balalardyń aıǵaılaǵan daýysyn estigen. Birneshe sekýndtan keıin oǵan bir bala júgirip kelip, mán-jaıdy túsindirip, ózenge qulap ketken dosyna kómektesýin ótindi. Álıhan dereý ózenge túsip, sýǵa batyp bara jatqan balany qutqaryp qalǵan edi.
