Foto: Shutterstock
Májilistiń Qarjy jáne bıýdjet komıteti «Qazaqstan Respýblıkasy men Azııa Damý Banki arasyndaǵy qaryz týraly kelisimdi ratıfıkasııalaý týraly» zań jobasy boıynsha qorytyndy ázirleıdi.
Depýtat Tatıana Savelevanyń aıtýynsha, zań jobasy 2024 jylǵy 23 qazanda Májiliske Úkimettiń qaýlysymen engizilgen. Kelisimge bıyl 23 tamyzda Astanada qol qoıyldy.
«Azııa Damý Banki Qazaqstan Respýblıkasyna 52,3 mlrd ıen qaryz beredi. О́teý merzimi – on bes jyl, jeńildik merzimi 2027 jyldyń birinshi maýsymyna deıin. Qaryz respýblıkalyq bıýdjet tapshylyǵynyń josparly kezeńge bekitilgen mólsheri aıasynda el ekonomıkasynyń turaqtylyǵyn qoldaý úshin tartylady», dedi ol Májilistiń jalpy otyrysynda.
Sonymen qatar Qazaqstan Azııa ınfraqurylymdyq ınvestısııalar bankinen de qaryz almaq. Osy zań jobasy boıynsha da qarjy komıteti qorytyndy ázirleıdi. Kelisim bıyl tamyz aıynda bekitilgen.
«Halyqaralyq qarjy uıymy Qazaqstanǵa 52,7 mlrd ıen qaryz beredi. Bul aqsha da respýblıkalyq bıýdjet tapshylyǵynyń josparly kezeńge bekitilgen mólsheri aıasynda el ekonomıkasynyń turaqtylyǵyn qoldaý úshin tartylady», dep atap ótti Saveleva.
