Soltústik Qazaqstanda urlanǵan maldar ıelerine qaıtaryldy

PETROPAVL. 30 qańtar. Soltústik Qazaqstan oblysynda «Barymtashy» jedel aldyn alý profılaktıkalyq is-sharalaryn ótkizý barysynda qoldy bolǵan 20 bas mal ıelerine qaıtaryldy. Bul týraly oblystyq ishki ister departamentiniń baspasóz qyzmeti habarlady. Krımınaldyq polısııa qyzmetkerleri úsh kúnniń ishinde 178 saýda oryndaryn tekserip, maldy qujatsyz tasymaldaýdyń 6, sondaı-aq, et ónimderiniń zańsyz ákelingen 40-tan astam faktilerin anyqtady. Oblys aýmaǵy boıynsha 7 mal urlyǵy áshkerelendi. Atalmysh qylmystarǵa qatysy bar degen kúdikpen 23 kúdikti qamaýǵa alyndy. «Et saýdasymen aınalysatyn Reseı Federasııasynyń azamaty kúdik týdyryp, Petropavl qalasyna kire beris jol beketinde toqtatyldy. Qujattardy tekserý barysynda onyń kóliginen 169 kılo et tabylyp, veterınarlyq sertıfıkat joq bolyp shyqty. Kásipkerge qatysty ákimshilik hattama toltyrylyp, 10 aılyq eseptik kórsetkish kóleminde aıyppul salyndy. Urlyq-qarlyqtyń aldyn alý jáne jurtshylyqqa túsindirý sharalary birneshe baǵytta júrgizilip, 46 jedel topty qamtyp otyr», deıdi krımınaldyq polısııa basqarmasynyń aǵa jedel ýákili, polısııa maıory Shalqar Rahmatýllın. О́mir Esqalı. Derek: Soltústik qazaqstan oblystyq ishki ister departamentiniń baspasóz qyzmeti. Sýret: gazeta.kz.