Tatarstan paıǵambardy kelemejdeýge narazylyq bildiredi

ASTANA. 30 qańtar. Tatarstanda búgin myńdaǵan musylman jamaǵaty fransýzdyń Charlie Hebdo satıralyq aptalyǵynda jarııalanǵan Muhammed paıǵambarǵa salynǵan karıkatýralarǵa qarsylyq belgisi retinde jappaı sherýge shyǵady. Bul týraly TASS habarlady. Tatarstan musylman dinı basqarmasynyń baspasóz hatshysy Ahmad Halıkov agenttik tilshisine bergen málimetinde «Men paıǵambardy jaqsy kóremin» degen uranmen ótetin aksııanyń álemdegi ıslamofobııaǵa, karıkatýralarǵa qarsy jasalatyn beıbit qozǵalys bolatynyn aıtty. «Biz Muhammed ǵalaıs-salamǵa qurmetimiz ben súıispenshiligimizdi bilidre otyryp, jurtty qandaı dindi ustanatyndyǵyna qaramastan, ózgelerdiń dinı senimderin syılaýǵa shaqyramyz», - dedi ol.

Halıkovtiń aıtýynsha, 30 qańtar kúni Tatarstandaǵy barlyq meshitterde ótetin juma namazynan keıin musylmandarǵa paıǵambardyń ómiri men isi jóninde ýaǵyz aıtylady. Meshitterdiń aldynda «Men paıǵambardy jaqsy kóremin» degen uran tatar, orys jáne arab tilderinde jazylyp turady. Bulardyń jandarynda shaǵyn jalaýlar bolady. «Tatarstanda qazir 1,5 myń meshit bar. Biz osylardyń kem degende úshten birin qamtımyz. Olar qalalar men aýdandar ortalyqtynda oryn tepken. Bul hramdarǵa myńdaǵan adamdar barady», - dedi Halıkov. Budan buryn mundaı aksııalar Daǵystanda, Ingýshetııada jáne Groznyıda ótip edi. Sheshenstan astanasynda sharaǵa 1,5 mln.-ǵa jýyq adam qatysty. Murat Aıtqoja. Derek, foto: TASS.