Foto: Týrızm jáne sport mınıstrligi
Tórt kúnde halyqaralyq temirjol týry týrısterge ejelgi qalalardyń atmosferasyna enip, Uly Jibek jolynyń izimen saıahattaýǵa múmkindik beredi.
Aıta keteıik, marshrýt Túrkistan men Tashkenttiń basty kórikti jerlerin qamtıdy. Týrısterge yńǵaıly bolý úshin týr baǵdarlamasynda gıd qyzmeti, tamaqtaný, kólik qyzmeti jáne kirý bıletteri qarastyrylǵan.
«Birlesken kúsh-jigerdiń nátıjesinde eki eldi baılanystyratyn erekshe temirjol týry iske qosylmaq. Atalǵan týr bizdiń elderimizdiń mádenı baılyǵy men tarıhı murasyna qyzyǵýshylyq tanytatyn sheteldik týrıster úshin yńǵaıly ári qoljetimdi bolmaq. Bul Qazaqstan men О́zbekstan arasyndaǵy mádenı baılanystardy nyǵaıtý men týrızmdi damytýdaǵy mańyzdy qadam», dedi Týrızm jáne sport vıse-mınıstri Erjan Erkinbaev.
Sondaı-aq saıahatshylar Ortalyq Azııa aýmaǵyndaǵy eń kóne qalalardyń biri – Otyrar qalasymen tanysa alady. Týr baǵdarlamasyna Arystan-bab kesenesine, «Áziret Sultan» tarıhı-mádenı qoryq-mýzeıine, Ortalyq Azııadaǵy eń úlken «Kerýen-Saraı» týrıstik keshenine barý kiredi.
Tashkenttegi týr aıasynda qalanyń tarıhı nysandarymen ǵana emes, sonymen qatar zamanaýı damýymen de tanysýǵa bolady.
Halyqaralyq týrdy «Tau Komek Travel», «Turan Qazaqstan Trevel», «Grand Soluxe Travel Company», «SkyWay Travel», «Kompas», «KhanTuran Travel» kompanııalarymen birlesip «Jolaýshylar tasymaly» AQ iske asyrady. Al «Kazakh Tourism» UK» AQ marshrýttyń halyqaralyq deńgeıde nasıhattalýyna qoldaý kórsetedI.
