Temirjol arqyly saıahat

Halyqaralyq temirjol týry týrısterge bes kún ishinde ejelgi qa­lalardyń atmosferasyna enip, Uly Jibek jolynyń izimen saıahattaýǵa múmkindik beredi. Marshrýt Túrkistan men Tashkenttiń basty kórikti jerlerin qamtıdy. Týrısterge yńǵaıly bolý úshin týr baǵdar­lamasynda gıd qyzmeti, ta­maqtaný, kólik qyzmeti, kirý bı­letteri qarastyrylǵan.

«Birlesken kúsh-jigerdiń nátıjesinde, eki eldi baılanys­tyratyn erekshe temirjol týry iske qosylmaq. Atalǵan týr bizdiń azamattarymyz ben elderimizdiń mádenı baılyǵy men tarıhı murasyna qyzyǵýshylyq tanytatyn sheteldik týrıster úshin yńǵaıly ári qoljetimdi bolmaq. Bul elimiz ben О́zbekstan arasyndaǵy mádenı baılanys­tardy nyǵaıtý men týrızmdi damytýdaǵy mańyzdy qadam», dep atap ótti Týrızm jáne sport vıse-mınıstri Erjan Erkinbaev.

Sondaı-aq saıahatshylar Ortalyq Azııa aýmaǵyndaǵy eń kóne qalalardyń biri – Otyrar qalasymen tanysa alady. Týr baǵdarlamasyna Arystan bab kesenesine, «Áziret Sultan» tarıhı-mádenı qoryq-mýzeıine, Ortalyq Azııadaǵy eń úlken «Kerýen saraı» týrıstik keshenine barý kiredi. Tashkenttegi týr aıasynda qalanyń tarıhı nysandarymen ǵana emes, sonymen qatar zamanaýı damýymen de tanysýǵa bolady. Aıtalyq, týrıster Haziret ımam kesheni, Baraqhan medresesi, Ábý Bakr Kaffalı Sha­shı, Tóle bı kesenesi sııaqty tarıhı oryndardy aralap, О́zbek­stan astanasynyń zamanaýı kórikti jerleriniń biri «Magic City» saıabaǵyna ekskýrsııa jasaıdy. Barlyq ekskýrsııalar kásibı gıdterdiń jetekshiligimen uıymdastyrylady.

Sapar barysynda poıyzda túrli oıyn-saýyq sharalary: shahmat, UNO sııaqty ústel oıyndary, syılyqtar oınatylatyn utys oıyny ótkiziledi.

Jolaýshylarǵa poıyzda fılmder men derekti baǵdar­lamalardy kórýge, mýzyka tyń­daýǵa, kitap oqýǵa «Vputi.kz» mýl­tı­medııalyq júıesi qol­je­timdi bolady. Sondaı-aq týrısterge týrdyń baǵdarlamasy men qalalardyń kartalary beınelengen býkletter usynylady. Aıta keteıik, týrpaket bıletteri týrıstik agenttikter arqyly satyldy.

Halyqaralyq týrdy «Tau Komek Travel», «Turan Qazaqstan Trevel», «Grand Soluxe Travel Company», «SkyWay Travel», «Kompas», «KhanTuran Travel» kompanııalarymen birlesip «Jolaýshylar tasymaly» AQ iske asyrady. «Kazakh Tourism» UK» AQ marshrýttyń halyq­aralyq deńgeıde nasıhattalýyna qoldaý kórsetedi.