El men Erdiń eresen erligi

* Saıt sózi Elimizde sáýirdiń 26-sy kúni ótken Prezıdent saılaýy shyn máninde búkilhalyqtyq mereke boldy. Daýys berýge kelgen elektorat ózderin meıramda júrgendeı sezinip, jappaı kóterińki kóńil kúı ustady. Jurttyń bul kúndi asyǵa kútkenderi sondaı, barlyq jerlerde derlik tańerteń saılaý ýchaskeleri ashylmaı turyp-aq esikterdiń aldarynda uzyn-shubaq kezek qalyptasyp qaldy. Bul kezektiń qarasy men qaınary tús áleti aýyp, kún ekindige qulaǵansha seldireı qoıǵan joq. Osylaısha baǵzy bir ýaqyttardaǵy kórinis pen sıpat kóz aldymyzǵa qaıta kele qalǵandaı áser etti. Prezıdent saılaýyn elimizdiń barlyq endikteri men boılyqtarynda qyzý, qaýyrt jáne belsendi túrde ótkenin sát saıyn berilip turǵan telearnalardaǵy habarlar, ınternet-resýrstardaǵy aqparlar men áleýmettik jelilerdegi pikir almasýlar dúrkin-dúrkin baıqatyp turdy. Sol saǵattarda bizdiń gazetimizdiń ınternet nusqasy da toqtaýsyz jumys istep jatty. Al bizdiń jer-jerdegi menshikti tilshilerimiz ben ortalyqtaǵy qyzmetkerlerimiz ústi-ústine jarııalap turǵan habarlarǵa oraı ún qatyp, oı bildirgen oqyrman qaýymda da tolas bola qoımady. Osynyń bári búkil elimizde bul jolǵy Prezıdent saılaýyna jurtymyzdyń aıryqsha kóńil bólip, ózgeshe mán bergenderin anyq baıqatty. Eń bastysy, bul saılaý halqymyzdyń bir týdyń, bir ıdeıanyń, bir kóshbasshysynyń aıasyna berik toptasa túskenin anyq kórsetip berdi. Saılaý, aınalyp kelgende, Eńseli El men Eńsegeı Erdiń eresen erligin, jetistikti jeńisin, bitimdi birligin tolaıym tanytqan naǵyz nazardaǵy naýqan boldy. Qazaq eli taǵy da óziniń aldaǵy bes jyldaǵy lıderin jazbaı tanyp, qapysyz tańdady. Bul tańdaý búkil halyqtyń bir leppen, bir demmen, bir yrǵaqpen soqqan júrek lúpilindeı bolyp bir núkteden kórindi. 97,75 paıyzdyq úles bizdiń osyndaı tujyrym jasaýymyzǵa tolyq negiz beredi. Mine, osy jeńiske elimizdiń barsha turǵyndary bir kisideı qýandy, úlken jeńis úshin aqtaryla shattandy. Buǵan bizdiń saıtymyzda osy kúnderi jaryq kórgen habarlarǵa kelip túsken kóptegen pikirler tolyq kýá bola alady. Al biz búgin sol kommentter tasqyny men nópirinen azdaǵan bólikti ǵana ekshep alyp, oqyrman nazaryna usynyp otyrmyz. «Astanada búgin týǵan kúni bol­ǵan saılaýshyǵa syılyqtar berildi» Abdýlla Mahanov Iá, rasynda halyqtyń belsen­diligi joǵary. Al myna úrdis shynymen unaıdy. Shyryn Bolar eldiń balalaryndaı bar­lyǵymyz birlese atsalysyp, eldiń isine azamattyq kózqaras tanytyp ja­tyrmyz. Yntymaǵyzdyń arqasynda. Ýálı Kópten kútken keremet sátte­rimizdi bastan ótkizip jatyrmyz. Elor­dalyqtardyń kóńil-kúıleri keremet.   «Batys Qazaqstanda daýys berý uıymshyldyqpen ótýde» Aısana Búgin men úshin asa mańyzdy kún. Alǵash ret saılaýǵa qatysyp, el aldyndaǵy azamattyq minde­timdi oryndadym. Ras, sál qobal­jýda boldym. Biraq tańdaýymdy durys jasadym degen oıdamyn. Jigerli Bizdiń jerde tańerteń ýchaskeler jumysyn bastasymen óshiret bolyp, saılaýshylar kezekpen daýysyn berip jatyr, qarap turyp súısinesiń. Halyq merekeni sezinip otyr. Tárbıe Iá, bizdiń Oral óńirinde osyndaı uıymshyldyq jaqsy saqtalǵan, bizdiń oblys jurty qandaı saılaýda da belsendiligin eshqashan joǵaltqan emes.   «Qaraǵandyda sý basqan aýyl jurtynyń 90 paıyzy saılaýǵa keledi» Bedelhan Apat aıtyp kelmeıdi. Jaratqan­nyń jazýyna amal joq. Memleket, halyq bar kómegin aıaǵan joq. О́mir alda. Sondyqtan zardap shek­kender­diń senimi óshpesin dep tileı­min. Toqsan paıyz saılaýǵa qatysý sol senimnen týyp otyr. Maral Mine, naǵyz patrıottar, qandaı jaǵdaı bolmasyn, el úshin mańyzdy kezeńde belsendilik tanytqandary qýantady. Aqjúrek Saılaý osyndaı deńgeıde bolady dep oılamaǵan edim, qandaı keremet, jigerlenip kettim.   «Aqmola oblysynda jasy júzden asqan qarııa ózi kelip daýys berdi» Dýman Men Qazaqstanda 114-tegi adam­nyń bar ekenin birinshi ret estip otyrmyn. О́tkende 117-ge kelgen japon kempiri qaıtys bolyp, ony álemdegi eń úlken adam etip shyǵardy. Sosyn О́zbekstanda taǵy bir kempir qaıtys bolyp, onyń jasy budan da úlken bolyp shyqty. Al bizdiń ájemiz solardyń izin basyp kele jatyr eken.   «Memleket basshysy daýys berý rásimine qatysty» Omar Endi aıta bersem bolatyn shyǵar, men osy kisige – qymbatty Nursultan Ábishulyna daýys berdim. Men ǵana emes, áıelim men qyzym, ulym men kelinim – barlyǵy bir úıden bes adam daýys berip kelip otyrmyz.   «Elimizde saılaýshylardyń 41,69 paıyzy daýys berdi» Rahymjan, Almaty Nemerelerim Jansaıa men Jazı­rany saılaýǵa ertip bardym. Kimge daýys beremiz desem, ekeýi de... «ata­ǵa» deıdi. Bizdi Almatydaǵy №158 mektep ádettegideı mýzykamen qar­sy aldy. Adam legi taýsylar emes. Osy jerde talaı tanystarymdy kezdestirdim. Biraq mynaý kórsetkishtegi 17 paıyzǵa kóńilim tolmaı tur… Jolaı qanshama saılaý ýchaskeleriniń janynan óttim, halyqtyń nópiri barshylyq. Teginde Almaty daýys berýde eshkimnen kem qalmas dep oılaımyn. Aqaısha Bizdiń bala kezimizdi ata-anamyz saılaý ýchaskesi ashylmas buryn baryp, onyń esiginiń aldynda turatyn. Daýys berýdi ózderine zor mindet sanaıtyn. Biz de sol jasqa jettik, sosyn joldasymyzben ekeýmiz birinshi bolmaǵanmen, alǵashqylardyń sapynda daýys berip qaıttyq. Erketaı, Uzynaǵash Almaty oblysy qaı saılaýda da únemi alda keledi. Bári de uıym­dastyrýshylarǵa baılanysty degenge senbeımin. Bári adamdardyń ózderiniń sana-qabiletinen shyǵady. Meshitke birge baratyn túrik, uı­ǵyr, kúrd kórshilerimmen saılaý ýchas­kesinde kezdesip qaldym. Áńgime-dúken quryp, qaýqyldasyp qaıttyq. Báriniń kóńil-kúıleri kóterińki. Maıra Kýala-Lýmpýrda týrızm mened­je­rine oqıtyn ulym Dımash Qazaq­stan elshiligi uıymdastyrǵan saılaý ýchaskesine baryp, Prezıdent saılaýyna daýys beripti. Jańa ǵana skype-pen sóılestim. Mine, ǵylymnyń damyǵany! «Shymkentte saılaýshylar belsendi túrde daýys berýde» Aıǵanym Bolatqyzy Shymkenttiń halqy erteshil eken. Men osynda issaparmen kelgenmin. Daýys bereıin dep kelsem, uzyn-sonar kezek. Túske taman zorǵa kirip, daýys berip shyqtym.   «J.Súleev: kádege asqan ınternet qýatynda shek bolmady» Serikhan Rasynda ınternet jelisi jaqsy jumys jasap tur. Bul baıqaýshylar men aqparat quraldarynyń ókilde­rine óte qolaıly. Daýys berýdi toq­tat­paıyq! Ǵaınıkamal Ormanbekova Men ultym úshin, urpaǵymnyń bolashaǵy úshin durys tańdaý jasadym. Jadyra Málik Biz aldymen kandıdattyń prezıdent bolýǵa laıyqty qarym-qabi­letine qarap baryp, daýys berýimiz kerek. Sonda ǵana egemen eldigimizdi berik saqtap qalamyz. Arýjan Asylbek Men bıyl alǵash ret Prezıdent saılaýyna qatysyp, daýys berdim. Osyndaı Qazaqstannyń aýasyn jutyp, jerin basyp júrgenim úshin erekshe baqyttymyn. Allanyń nury jaýsyn barshańyzǵa! Aıan Aýyldaǵy ata-apalarymyz saı­laýǵa dástúrli kımeshekterin kıip, óte ádemi bolyp baryp, daýys berdi. Sáken Saılaýǵa Elbasymyzdyń ózi de kelip, daýys berip jatqanyn kórip, biz de qalys qalmaı daýys bereıik dep, saılaýǵa bardyq. Gúlnur Buqaralyq aqparat quraldarynan barlyq mınıstrlerimiz ben depýtat­ta­rymyzdyń jurt qatarly kezekke turyp, daýys bergenderin kórip qýanyp jatyrmyz.   «О́skemendikter saılaýda daýys berip, utys kýpondaryn oınady» Raýza О́skemendikter qatyrǵan eken! Saılaýdyń qorytyndysynda da osylaı alda bolyńdar, jerlester!   «Mańǵystaýda saılaýshylar erekshe belsendilik tanytýda» Arys Qashannan ózindik úni bar, ózindik oıy bar, órshil de óreli Mańǵystaý jur­tynyń árbir daýysy baǵaly. Men Ústirt­tegi jurttyń Prezıdent tańdaýda eshbir qatelespeıtinine senemin.   «Karın Shtrens: bul saılaý jańa jetistikterge ekpin beredi» Maraltaı Shyntemiruly Kóp ultty el ekenimiz osy. О́zge ult­tyń ókilderi Qazaqstandy atame­keni sanaıdy. Bizdiń bolashaǵymyz jarqyn bolmaq. Sanjar Baqdáýlet Tilimiz ben dinimiz joıylmas úshin el tizginin laıyqty janǵa usta­taıyq. Daýys berýge kel, aǵaıyn! Gúlsim Aıbar Balalarymnyń bolashaǵyn oılap, elimniń keleshegin oılap, tań­daýym­dy Prezıdent bola alatyn kandıdatqa jasadym.   «Kámshat Dónenbaeva: baqytty bolashaq, tynyshtyq úshin daýys beremin» Isa Kámshat apaı, sizder eldiń usty­nysyzdar ǵoı. Halyq sizderdiń sońdaryńyzdan eredi, sózderińizdi tyńdaıdy. Al sizder olardy durys jolǵa bastaı alasyzdar. Qazir kóneniń kózi sııaqty bolyp qalǵan sizder aman bolyńyzdar. Denińiz saý, ǵumyryńyz uzaq bolsyn, apa! Sizder qoldaıtyn Prezıdentimiz de aman bolǵaı. Zaman Barlyq jerde saılaý óte qyzý ótip jatqanǵa uqsaıdy. Mundaı bel­sendilikti buryn baıqamappyn. Osy­nyń bári eldiń sana-sezimi túzel­genin kórsetedi. Sol sanaly top­ty keshegi keńes zamanynan beri halyq­tyń aldynda júrgen Kámshat apaı sııaqty ardagerlerimiz bastasa áste ja­man bolmaımyz. Apaıǵa men de zor densaýlyq tileımin.   «Elimizdegi saılaýshylardyń 89,69 paıyzy daýys berdi» Ramazan El tańdaýyn jasady! Biz kútken, el kútken Prezıdent daıyn. Onyń kim ekenine de eshbir kúmán bolmasa kerek. Laıym osy birligimiz ben tirligimiz jarasa bersin, jalǵasa bersin. Mereke Kómbeniń sheti kórinip qaldy. Artynsha kimniń ozyp kelgenin de bilemiz. Degenmen, onyń kim ekenin de bárimiz bilip otyrmyz ǵoı dep oılaımyn. О́z basym qatty qýanyshtymyn.   «Táýelsiz baıqaýshylar Mańǵystaýdaǵy saılaýdy joǵary baǵalady» Samal, Aqtóbe. «Egemenniń» ujymy uıymshyl­dyqtaryn kórsetti. Elbasyn saılaý eldigimizdi taǵy bir aıqyndady. Sonyń jer-jerdegi kórinisi gazet saıtynda berilip turýy súı­sint­ti. Mundaı sharýada asqan yj­da­ǵat­tylyq tanytqan redaksııa ujymynyń qımylyna tánti boldyq.   «Nazarbaev Prezıdent saılaýynda aıqyn basymdyqpen jeńiske jetti» Qudiret Ortaq jeńis qutty bolsyn, aǵaıyn! Bul saıysta Elbasynyń je­ńis­­ke jetetinine eshkim de kúmán­dan­ǵan joq. Biraq 97,5 paıyzdyq daýys degen shynynda tamasha kór­setkish! Bul – Prezıdentke laıyqty baǵa! Nurlan tóre Men osyndaı bolatynyna esh shúbá keltirgen joqpyn jáne oıla­ǵanym oryndalǵanyna qýanysh­tymyn! Danıl, Aqtóbe Elbasyna tańdaý jasadym. Bul jalpy halyqtyń oıyndaǵy senim ekeni sózsiz. Biz aldaǵy bolasha­ǵy­myzdy Elbasy Nursultan Ábish­uly­men birge kóremiz. Bul – barsha qazaqstandyqtardyń oı-armany, tilegi, qalaýy! Mútallap, aqyn, Petropavl Elbasynyń jeńisi – bárimizdiń jeńisimiz. Endi el bolashaǵy úshin esh alańdamaýǵa bolady. Pre­zıden­timizdiń mańaıyna aýyzbirlik­pen toptassaq, alynbaıtyn asý joq. Elbasynyń amandyǵy aldymen qazaqqa kerek.   «Jeńimpazdar forýmy Jetisý jerinde de jalǵasyn tapty» Sábıt, Aqtóbe oblysy, Hromtaý qalasy Halyqaralyq baıqaýshylardyń Prezıdent saılaýyn eń demo­kra­tııalyq saılaý boldy dep baǵa­laýy kóńilimdi marqaıtty. Egemen elimiz órkenıetti elder qatarynan osylaı oıyp turyp oryn alatynyna senimdimin. Atqarǵan jumys­tarymyz berekeli, ómirimiz merekeli bolsyn, Prezıdentimizdiń irgeli isterge bel býyp otyrǵany halqynyń qamy ǵoı, zor densaýlyq, jemisti eńbek tileıik, dostar!   «Aqtóbede jeńimpazdar forýmy joǵary deńgeıde ótti» Samǵat Baıdýllın, jumysshy, Aqtóbe Elbasy saılaýda jeke dara ozyp keldi. Eldi basqaratyn basshyǵa tizgin us­tatqanymyz durys boldy. Nazarbaev aldaǵy bes jylda birtalaı sharýa tyndyrady dep oılaımyn. О́zi de eki ese kúshpen jumys isteıtinin bildirdi ǵoı. Al Elbasynyń qolynan ol keledi. Qutty bolsyn, densaýlyq bersin.   «Jeńimpazdar forýmy Pavlodarda jalǵasty» Jantas Men Pavlodar qalasynda JOO stýdentimin. Muz saraıynda boldym. Forýmǵa qatystym. Pavlodar óndiris ólkesi dep aıta alamyn. Fo­rým­ǵa munaıshylar, ardagerler, temir­jolshylar t.b. óndiris oryn­dary­nyń jumysshylary qatysty, Kóńil kúıleri tamasha, Forýmǵa qaty­sýshylar alar asýlarymyz, jeter beles­terimiz alda dep oılaryn jetkizdi.   «Nazarbaev Prezıdent saılaýynda resmı túrde jeńimpaz dep tanyldy» Oral Eń bastysy, halyq bir aýyzdan óz tańdaýyn jasady. Endi bolashaqqa alańdamaýǵa negiz bar. Bul – talaı jyldar boıy jasalǵan, áli de jasala túsetin eńbektiń jeńisi.   «Halyq óz tańdaýyn jasady» Ydyrys Bul – rasynda eldiń óz tańdaýy. Bul – eldiń damýyna degen halyqtyń senimi, Elbasyna senimi. Jaratqan jar bolyp, eldiktiń erlik úlgisin kór­seteıik, aǵaıyn!   «Prezıdent Nursultan Nazarbaev Qazaqstan halqyna ant berdi» Ǵabıden Elbasynyń ulyqtaý rásimin teledıdardan bastan-aıaq kórip shyqtym. Bul kisi ádettegideı alda turǵan mindetterdi ádemi jiktep aıtyp berdi. Osydan da elimizdiń keleshegine degen senimimiz arta tústi. О́z basym Nursultan Nazarbaev shtýrvalinde turǵan eldiń bolashaǵy baıandy bolatynyna bek senemin. Ásel Memleket basshysyn qaıta saılap alǵanymyz bárimiz úshin de qutty bolsyn. Elbasynyń osy orynda otyrǵany eń aldymen bizge, ha­lyqqa kerek. Sony jaqsy túsin­gen otandastaryma rızamyn. Jasy­ratyny joq, dál qazir biz elimizdiń erteńin Nazarbaevsyz kóz aldymyzǵa elestete almaımyz. Bul kisi – bizdiń elimizdiń tynyshtyǵyna, tatýlyǵy men birligine, osy arqy­ly qalyptasyp, jasalatyn ekono­mıkalyq órleýine kepil. Darııa Inaýgýrasııa óte jaqsy ótti. Ulyqtaý rásiminde Prezıdentimizdi jańa qyrynan tanyǵandaı boldyq. Onyń aldaǵy alýan asýdan turatyn abyroıly isterimizge tyń kúshpen, sony serpinmen kirisetini kórinip tur. Arystanbek Jambyluly Ult kóshbasshysynyń ulyqtaý rásimin telearnadan tamashalap, úlken áser aldym. Endi sol áserimdi sizdermen bólissem. Osydan týra 24 jyl buryn Nursultan Nazarbaev Táýelsiz Qazaqstannyń Tuńǵysh Prezıdenti etip saılaǵan tusta halyqtyń kóńilinde memleketimizdiń tizginin tuńǵysh ret ustap edi. Sol kezde Elbasynyń árbir qabyldaǵan baǵdarlamasyna qoldaý bildirip, Qazaqstannyń jarqyn bolashaǵyna úmitpen qaradyq. Al qazir sol senim aqtaldy, áleýmettiń ál-ahýaly jaqsardy. Bastysy, elimiz qaryshtap damyp, ekonomıkalyq deńgeıimiz ilgeri basty. Bul – Nursultan Ábishulynyń syndarly saıasaty men halyqtyń tutastyǵynyń arqasy. 24 jylda Qazaqstanda úlken ózge­rister, oń baǵyttar men ıgi ister at­qa­ryldy. Osy jetistikterdiń kóshin­d­e Elbasymyz turdy. Endi mine, taǵy bir márte Prezıdent saılaýyn ótkizip, Ult Kóshbasshymyzdyń ulyqtaý rási­minde antyna kýá boldyq. Prezıdentimizdiń aldaǵy eńbe­gine sáttilik tilep, senim arttyq. Eń bastysy, Elbasy men elimiz aman bolsyn! Qalamqas Shashýbaıqyzy Menińshe, ulyqtaý degen sóz ul­tymyzdyń uly tulǵasyn qurmetteý, onyń jasaǵan jaqsylyǵyn pash etý degenge saıady. Osy rette Nursultan Nazarbaevtyń qazaqstandyqtardyń aldynda ulyqtaý rásimin ótkizip, ant berýin: «Meniń janym da, qanym da qazaq, eńbegim adal, jumysym jemisti bolady. Halqyma qorǵan, eldiń tynyshtyǵyna kepil bolamyn jáne Sizderdiń qamqorlyqtaryńyzdy baǵalaı bilemin», – dep túsindim. Demek, Prezıdentimizdiń salmaqty só­zi men salıqaly saıasaty bizdiń júre­gimizge nur uıalatyp, boıymyzǵa ji­ger beretini anyq. Dana halqymyz «Ákim bol, hal­qyńa jaqyn bol!» degen. Elbasymyz ár kez egemendikti, eldikti, erlikti baǵa­lap, halyqpen sanasa otyryp, ıgi­lik­ti istiń uıytqysy bolyp turady. Biz Qazaqstannyń kemel keleshegi men jarqyn bolashaǵyna senemiz. Urpaǵymyz ımandy, sanaly, bilimdi bolyp ósip keledi. Bul – Elbasy­myz­dyń jastarǵa barlyq jaǵdaı jasap, únemi qoldaý bildirip otyrýynyń jemisi. Men osy eldiń tur­ǵyny retinde Prezıdentimizdiń jańa qyzmetine sáttilik tilep, Qa­za­qstannyń ósip-ór­kendeýine súbeli úlesimdi qosamyn. Kúsh-jige­rimizdi aıamaı jumsaımyn degim keledi. Nazarbaevqa halyq senim artty, el tizginin ustatty. Endi biz Elba­symyzǵa súıener tirek, dem berer júrek bolaıyq. Ahmet Omarov Elin súıgen, eli súıgen Elbasy. Búginde turaqty sóz tirkesine aınalyp ketken osy joldardy taǵy bir qaıtalap aıtýǵa týra kelip tur.­ О́tken saılaý bul tirkestiń shyn­dyqqa janasymdy ekenin taǵy da tanytyp berdi. Biz Elbasynyń elin súıetinine de, eliniń Elbasyny súıetinine de esh kúmándanǵan joq edik. Sol oıymyzdyń oralymdy ekenine taǵy da kóz jetti. Biz aldaǵy qandaı da bir jetistikterge elimizdiń osy kezeńdegi baǵyna týǵan Eńseli Erimiz – Nursultan Ábishuly Nazarbaevpen birge jetetinine eshbir kúmándanbaımyz. Endeshe, osy jeńi­simiz baıandy bolsyn! Júnis qajy Qazaqstanda taǵy da aq túıeniń qarny jaryldy. Qazaq eliniń jasy men kárisi, eri men áıel jurty, barlyq ulttary men ulystary Prezıdenttiń qaıtadan saılanyp, halyqtyń jańadan mandatyn alyp jatqan kúnin búkilhalyqtyq úlken mereke sanaıdy. Biz Elbasyna taǵy da senim artyp, taıaýdaǵy bes jylymyzdy sol kisiniń qolyna tapsyrdyq. Jáne muny óte durys jasaǵanymyzdy búkil jan-júre­gimizben sezinip otyrmyz. Oralhan Men Qazaqstanda, sonyń ishinde osy kezeńderi týyp, ómir súrip jatqanyma qatty qýanamyn. Men muny Nursultan Nazarbaev el bılegen dáýirmen baılanystyra aıtyp otyrmyn. Endi Elbasyna sarqylmas qýat-qajyr, muqalmas densaýlyq jáne salamatty uzaq ǵumyr tileımin.   «Barak Obama Nursultan Nazarbaevty saılaýdaǵy jeńisimen quttyqtady» Bolat AQSh sekildi álemdegi eń iri der­java basshysynyń bizdiń Elbas­ymyzdy osyndaı ulan-asyr jeńi­simen quttyqtap jatýynyń ózi kóp nárseni bildiredi. Bul – Amerıka prezıdentiniń bizdiń lı­derimizben sanasýynyń belgisi. Osynyń ózi bizdiń elimizdiń álem qaýymdastyǵynda aıtarlyqtaı orny bar ekenin bildiredi. Al mundaı bedelge Qazaqstan Elbasy Nursultan Nazarbaevtyń jeke óziniń qarymy men qabileti arqasynda jetip otyr. Biz osyny baǵalaı bilýimiz kerek. Iman Men osy habardy kúttim. Jáne AQSh prezıdentiniń bizdiń basshymyzdy saılaýdaǵy orasan zor jeńisimen quttyqtaıtynyna esh kúmán keltirgen de joqpyn. Sebebi, Nursultan Nazar­baev post­keńestik elder lı­derleri ara­syndaǵy eń reıtıngisi joǵary turǵan prezıdentterdiń biri bolyp tabylady. Onymen jer júziniń qaı eliniń de basshysy sanasyp turady. Temirlan Álemdik saıası arenada Elba­synyń abyroıy artyp keledi. Onyń júrgizip otyrǵan saıasatyna halyq­aralyq bedeldi saıasat­kerlerdiń birazy qyzyǵýshylyq tanytady. Elimizdegi turaqtylyq pen kelisimniń arqasynda kóptegen damýshy elder bizben áriptestik qurýǵa múddeli bola tústi. Jahanger N.Nazarbaev búkil álemge Qazaq­standy qashanda halyqaralyq qaýipsizdiktiń saqtalýyna atsalysatyn el retinde, beıbitshilik pen kelisimniń jarshysy retinde tanyta bildi. Jahandyq ıadrolyq qarýsyzdaný prosesine qosqan úlesimiz úshin biz bul salada da kósh­basshy atandyq. Al Ýkraınadaǵy jaǵdaıdy turaqtandyrý boıynsha júrip jatqan proseske qosyp jatqan úlesi úshin Petr Poro­shenkonyń ózi Elbasyna alǵys bildirdi. Osy jetistiktermen-aq Qazaqstan kópte­gen elderge úlgi bola alatyny anyq. Raýshan Elbasynyń júrgizip otyrǵan kópvektorly saıasatynyń arqasynda biz barlyq eldermen tıimdi árip­testik qura alamyz. Qazaqstan da­mýynyń negizine aınalǵan kelisim men turaqtylyqtyń arqasynda kóptegen sheteldik ınvestorlardyń búıregi bizge qaraı buryp turatyny da jasyryn emes. Dúrııa Shyny kerek, AQSh syndy alyp eldiń birinshi basshysy Elbasyn quttyqtaǵany úshin kádimgideı mar­qaıyp qaldym. Munyń ózi Barak Obamanyń bul kisige degen qurmeti men qoshemetine aıǵaq bolady.   Pikirlerdi rettestirgen Serik PIRNAZAR, «Egemen Qazaqstan».