Ol Almaty oblysy Talǵar qalasynda týǵan. Lenıngrad memlekettik ýnıversıtetin bitirgen.
1963-1989 jyldary Qazaq KSR Ǵylym akademııasy Sh. Ýálıhanov atyndaǵy Tarıh, arheologııa jáne etnografııa ınstıtýtynyń aspıranty, ǵylymı qyzmetkeri, aǵa ǵylymı qyzmetkeri, bólim meńgerýshisi, dırektordyń orynbasary boldy. 1989-1991 jyldary Qazaq KSR Ǵylym akademııasy Shoqan Ýálıhanov atyndaǵy Tarıh, arheologııa jáne etnografııa ınstıtýty Arheologııalyq ortalyǵynyń jetekshisi qyzmetterin atqarady. 1991-2010 jyldary Álkeı Marǵulan atyndaǵy Arheologııa ınstıtýtynyń dırektory qyzmetin atqardy. 2011-2016 jyldary «Qazaqstan arheologııa qoǵamy» QB tóraǵasy bolyp jumys istedi.
2016-2017 jyldary Mádenıetterdi jaqyndastyrý ortalyǵy dırektorynyń mindetin atqarýshy, 2017-2018 jyldary Á. Marǵulan atyndaǵy Arheologııa ınstıtýty ýrbanızasııa jáne nomadızm bóliminiń meńgerýshisi boldy. Qazaqstannyń orta ǵasyrlyq tarıhyn, qala men dala arasyndaǵy baılanysty zerttep, ǵylymda jańa baǵytty damytty.
40-tan asa monografııa, arheologııaǵa baılanysty 4 oqý quraly, 4 mektep oqýlyǵy, 12 albom jáne 500-den astam ǵylymı maqalalardyń avtory. Birneshe halyqaralyq konferensııalarǵa qatysyp, IýNESKO uıymdastyrǵan «Jibek joly» halyqaralyq ekspedısııasyna Qazaqstan tarapynan jetekshilik etti. IýNESKO-nyń Orta Azııa tarıhymen aınalysatyn halyqaralyq ǵylymı komıteti men «Uly Jibek joly» Qazaqstan ulttyq komıtetiniń múshesi, Sh. Ýálıhanov atyndaǵy syılyqtyń laýreaty. «Parasat» ordenimen jáne medaldarmen marapattalǵan.
