Konkımen júgirý: Japonııanyń Hatınohe qalasynda ótken tórt qurlyq chempıonatynda Qazaqstan sportshylary 1 altyn, 1 kúmis, 1 qola medalderdi jeńip aldy.
Mánerlep syrǵanaý: Challenger Series sanatyna kiretin Tallinn Trophy 2024 (Estonııa) halyqaralyq týrnırinde Ulttyq qurama sportshysy Sofıa Samodelkına qos baǵdarlama qorytyndysy boıynsha 173,25 upaı jınap, kúmis júldeger atandy.
Karate: Reseıdiń bas qalasy Máskeýdegi WKF karateden Moscow Karate Universe-2024 halyqaralyq jarysynda Qazaqstan sportshylar 3 altyn, 2 kúmis, 3 qola medalderdi ıelendi.
Frıstaıl-mogýl: Aýstrııanyń Hıntertýks taý shańǵy kýrortynda uıymdastyrylǵan frıstaıl-mogýldan halyqaralyq týrnırde Qazaqstan quramasynyń sportshylary el qorjynyna 4 altyn, 1 kúmis, 1 qola medalderdi saldy.
Badmınton: Zambia International Challenge 2024 (Zambııa) halyqaralyq týrnıriniń jekeleı synynda Dmıtrıı Panarın úzdik shyqty. Ol 2022 jyly da osy týrnırdiń jekeleı synynda chempıon atanǵan.
Tennıs: Bıllı Djın Kıng kýbogi sheńberinde Qazaqstan qyzdar quramasy Astana qalasynda Koreıa sportshylaryn 3:1 kórsetkishimen utty. Osylaısha, kelesi jyly sáýir aıynda ótetin týrnırdiń irikteý kezeńine joldama aldy.
Ústel tennısi: Alan Qurmanǵalıev Italııanyń Lınıano qalasynda ótip jatqan WTT Youth Contender týrnıriniń qola júldegeri atandy.
