Foto: kursiv.media
Týrızm jáne sport mınıstrligi Oıyn bıznesin jáne lotereıany retteý komıtetiniń málimetine sáıkes, eGov mobıldi qosymshasy arqyly qumar oıyndardan ózin-ózi shekteýge 168 250 adam, jazbasha túrde 2 311 adam ótinish bergen.
Sonymen qatar qumar oıyndarǵa qatysýdan ózin shektegender arasynda eń kóp úles 31-35 jas aralyǵyndaǵy azamattarǵa tıesili ekeni belgili boldy.
- eGov mobile arqyly – 40 212 adam (jalpy sannyń 23,90%);
- Jazbasha – 836 adam (jalpy sannyń 36,17%).
2024 jyldyń 18 naýryzynda bastalǵan ózin qumar oıyndardan, bás tigýden shekteý boıynsha onlaın qyzmetti engizý jónindegi mınıstrliktiń pılottyq jobasy oń nátıje kórsetip, qumar oıyndarǵa qatysýdyń tómendeýine yqpal etip keledi.
Pılottyq jobany paıdalanýǵa engizgennen keıin bir aıda (18.04.2024 j.) eGov mobile arqyly 35 342 ótinish berilse, 15.11.2024 j. berilgen ótinishterdiń sany 168 250 quraǵan.
Sonymen qatar azamattardyń dástúrli qaǵaz júzinde ózin-ózi shekteýge ótinish berýden mobıldi qosymsha arqyly onlaın ótinish berýge birtindep kóshýi baıqalady.
