Fotolar: gov.kz
Atalǵan mınıstrliktiń qoldaýymen konsert uıymdastyrylyp, oǵan Shahımardan Ábilov, Aıgúl Úlkenbaeva, Alfııa Karımova, Zarına Altynbaeva, Tolqyn Zabırova, Samal Báıseıitova, Aızada Omarova Nurǵalym Amanbaı syndy kóptegen tanymal ártister qatysty.
Kesh Ahmet Jubanov pen Latıf Hamıdıdiń «Abaı» operasynan «Toıbastar» jarqyn kórinisimen bastaldy. B.Tólegenova baıqaýynyń laýreattary Rasýl Jarmaǵambetov pen Tatıana Vısınskaıa, «Astana Opera» hory, orkestri men balet trýppasy dırıjer, «Qurmet» ordeniniń kavaleri Rýslan Baımýrzınniń jetekshiligimen búkil konsertke merekelik shyraı qosty.
Sondaı-aq Qazaqstannyń eńbek sińirgen qaıratkeri Nurlan О́nerbaevtyń mánerlep oqýyndaǵy Farıza Ońǵarsynovanyń «Bıbigúl – án» óleńi keshtiń kórkine aınaldy. Mereıtoı ıesiniń shákirti, Qazaqstannyń eńbek sińirgen qaıratkeri Tolqyn Zabırovanyń oryndaýyndaǵy Latıf Hamıdıdiń «Bulbul» áıgili áni barsha halyqtyń súıispenshiligi retinde qabyldandy. Bul án B.Tólegenova shyǵarmashylyǵynda áldeqashan beıresmı sımvolǵa aınalǵan edi.
«Ata tolǵaýy» qazaq bıin oryndaǵan «Astana Balet» trýppasy erekshe syı-sııapat jasady. Kórermender «Forte Trio» aspaptyq ansambliniń oryndaýyndaǵy qazaq ánderinen popýrrıdi de yqylaspen qabyldady.
Bıbigúl Tólegenovanyń sińirgen eńbegi men sheberligine degen qurmettiń belgisi retinde oǵan QR Prezıdenti Qasym-Jomart Kemeluly Toqaevtyń atynan gúl shoqtary tabys etildi.
