Sýret: ru.freepik.com
«Aqparattyq tehnologııalardyń damýymen birge alaıaqtar da óz áreketterin jetildirip, olardyń qoldanatyn ádisteri kúrdelenip barady. Eń keń taralǵan ádisteri – ózin bankter men kommýnaldyq qyzmetterdiń qyzmetkeri retinde tanystyryp, azamattardyń esepshottaryndaǵy qarjyny jymqyrady. Sondaı-aq qaýipti siltemeler jiberedi. О́kinishtisi, aldanyp qalyp jatqandar az emes», deıdi N.Arystanbek.
Kıberalaıaqtyqpen kúresýdiń tıimdi joly – aldyn alý is-sharalaryn júrgizý. Al aldap soqqan alaıaqty tabý – óte qıyn. Sondyqtan óńirde aqparattyq-profılaktıkalyq is-sharalarǵa basymdyq berilip otyr. Ishki ister mınıstrliginiń 2023–2025 jyldarǵa arnalǵan kıber qylmyspen kúresý baǵdarlamasyna sáıkes oblysta jyl saıyn jedel profılaktıkalyq is-sharalar ótkiziledi. Bıyl 12–14 qarasha aralyǵynda búkil el aýmaǵynda «Antı-Frod» jedel profılaktıkalyq is-sharasy ótkizildi.
Sonymen qatar óńirde «Stop-alaıaq» is-sharasy júzege asyrylyp jatyr. Polısııa qyzmetkerleri turǵyn úılerdi aralap, ınternettegi alaıaqtyqtyń túrleri týraly eskertýler jasap, halyqtyń qarjylyq jáne quqyqtyq saýatyn arttyrýǵa baǵyttalǵan aqparat taratýmen shuǵyldanyp júr. Sondaı-aq oblys pen О́skemen qalasy ákimdikterimen birlesip, aqparattandyrý boıynsha medıa-jospar ázirlendi.
Búginde qylmystardy tıimdi tergeý úshin Shyǵys Qazaqstan oblysy Polısııa departamenti janynan kıber qylmystardy ashýmen aınalysatyn arnaıy «Kıberpol» bólimi qurylǵan.
Shyǵys Qazaqstan oblysy
