Foto: instagram.com/maulen_ashimbayev
Aıta keteıik, búgin «Taldaý mektebi» jobasynyń tórtinshi kezeńine ótinimder qabyldaý bastaldy.
Máýlen Áshimbaev Memleket basshysy Qasym-Jomart Kemeluly Toqaev elimizdiń ornyqty damýy jolynda taldaý tásilderi mańyzdy ról atqaratynyn únemi aıtyp keletinin eske saldy.
«Osyǵan baılanysty biz áriptesterimizben birlesip, birneshe jyl boıy jas mamandardyń analıtıkalyq qabiletterin damytýǵa atsalysyp kelemiz. Búginge deıin joba aıasynda memlekettik qyzmet, ulttyq kompanııalar, bilim berý jáne ǵylymı mekemelerde, sondaı-aq, ózge de salalarda eńbek etetin 200-ge jýyq jas maman biliktiligin shyńdady», dep jazdy Senat Tóraǵasy.
«Taldaý mektebiniń» tórtinshi kezeńi 2025 jyldyń 11 qańtary men 1 naýryzy aralyǵynda uıymdastyrylady. Dárister dástúrli túrde ár senbi saıyn ótip otyrady.
«Tórtinshi kezeńniń taqyryby – «Málimetterge negizdelgen sheshimder qabyldaý (Data-Driven Decision Making) prosesindegi taldaý jáne sıfrlyq tetikter». Qatysýshylar segiz aptalyq kýrstar aıasynda osy baǵyttaǵy qoldanbaly ádis-tásilderdi meńgeredi. Mektep qatysýshylaryna belgili qazaqstandyq jáne sheteldik sarapshylar dáris oqyp, mentor retinde baǵyt-baǵdar kórsetedi», delingen jazbada.
Joba jáne baıqaý sharttary týraly tolyǵyraq aqparatpen Parlament Senatynyń saıtynda https://senate.parlam.kz/ru-RU/taldau/2025/apply, sondaı-aq, Taldaý mektebi - Shkola analıtıkı men Senat janyndaǵy Sarapshylar Klýbynyń áleýmettik jelilerdegi paraqshalarynda tanysýǵa bolady.
