Qytaı alǵash ret Germanııa men Japonııany basyp ozyp, eń robottandyrylǵan elderdiń úshtigine endi. Qazir Qytaıda ár 10 000 qyzmetkerge 470 robottan keledi. Álemdegi zaýyttarda jalpy 4 mıllıonnan astam robot jumys istese, olardyń jartysynan astamy Qytaıdyń úlesinde (276 myń). Al álemdik kóshbasshy – Ońtústik Koreıa (1012 robot), ekinshi orynda – Sıngapýr (770 robot). О́nerkásiptik robottardyń tyǵyzdyǵy boıynsha Eýropa alda tur (ár 10 000 jumysshyǵa 219 robot), Soltústik Amerıkada – 197, Azııada – 182. Osy qarqynmen jumystyń bárin robotqa júkteıtin kún de alys emes sekildi.
Jańa veb-braýzer
«OpenAI» kompanııasy ChatGPT negizinde jumys isteıtin izdeý fýnksııalary jaqsartylǵan veb-braýzer jasaýdy qarastyryp jatyr.
Kompanııa ChatGPT-men biriktirilgen braýzer jasaý múmkindigin zertteý ústinde. Alaıda ónimdi iske qosýǵa áli erte. Degenmen «OpenAI», «Conde Nast», «Redfin», «Eventbrite» jáne «Priceline» sııaqty birneshe iri kompanııamen kelissózder júrgizip úlgergen. Sonymen qatar «OpenAI» jasandy ıntellektini «Samsung» smartfondaryna qosý múmkindikterin qarastyryp otyr. Bul kompanııa «Google»-diń negizgi seriktesteriniń biri sanalady. Buǵan deıin «OpenAI Apple» kompanııasymen seriktestik ornatyp, tehnologııalary «Apple Intelligence» fýnksııalarynda qoldanylǵan.
Kún batareıasynyń qýaty keremet
Ǵalymdar kún batareıalarynyń tıimdiligin 125%-ǵa arttyrdy.
Ulybrıtanııa, Portýgalııa, Brazılııa zertteýshileri torly qurylymnyń ornalasýyn ózgertý arqyly krıstaldyq kremnııdiń toq óndirý qabiletin jaqsarta tústi. Zertteý barysynda batareıanyń foton aımaǵyn shahmat taqtasy tárizdi modeldep, ony basqa qurylymdarmen salystyrǵan. Nátıjesinde, kezdeısoq ornalasqan elementteri bar shahmat úlgisi basqa konstrýksııalardan kóbirek toq óndiretini anyqtaldy. Bul qurylym 125%-ǵa tıimdi bolyp otyr.
