Foto: Ashyq derekkóz
Marat Qarabaevtyń aıtýynsha, jyl sońyna deıin 21 mıllıon jolaýshy tasymaldaý josparlanǵan. Mınıstr halyqty tasymaldaýǵa qolaıly jaǵdaı jasaý úshin vokzaldardy jańǵyrtý qajet ekenin atap ótti.
«59 negizgi temirjol vokzalynyń 54-i (jergilikti ákimdikter balansynda – 4, QTJ balansynda – 50) jóndeýdi talap etedi. Qazirgi ýaqytta tek Qyzylorda, Shymkent, Pavlodar jáne Túrkistan qalalarynyń vokzaldary tolyq kúrdeli jóndeýden ótti», dedi Qarabaev.
Qalǵan stansııalar boıynsha tıisti tehnıkalyq qujattar ázirlenip, qarjylandyrý kózderi men tetikteri pysyqtalyp jatqandyǵy habarlandy.
