Foto: Aqorda
«Reseı Prezıdenti Vladımır Vladımırovıch Pýtınniń Qazaqstanǵa memlekettik sapary qazaq-orys qatynasynyń tarıhyndaǵy asa mańyzdy oqıǵa bolmaq. Joǵary memleketaralyq mártebesi bar bul sapar elderimiz arasyndaǵy strategııalyq seriktestiktiń mán-mańyzy aıryqsha ekenin kórsetedi», dep jazdy Memleket basshysy.
Sondaı-aq Prezıdent Astanada ótetin kezdesýde Reseı Prezıdentimen birge saýda-ekonomıka, kólik-logıstıka, otyn-energetıka, ǵylym jáne tehnıka salalaryndaǵy yntymaqtastyqqa qatysty aýqymdy máselelerdi talqylaıtyn da atap ótti.
«Halyqaralyq uıymdar men ıntegrasııalyq qurylymdar aıasyndaǵy ózara yqpaldastyq barysyn pysyqtaýdy josparlap otyrmyz. Sondaı-aq qazir, ókinishke qaraı, qatty ýshyǵyp turǵan álemdegi ahýalǵa qatysty pikir almasamyz», dep jazdy Prezıdent.
Sonymen qatar Memleket basshysy eki eldi álemdegi qurlyq arqyly ótetin eń uzyn shekara qosyp turǵanyn eske saldy.
«Biz, Qazaqstan halqy, elderimizdi álemdegi qurlyq arqyly ótetin eń uzyn shekara qosyp turǵanyn árdaıym este ustaımyz. Ony máńgi dostyq pen naǵyz tatý kórshiliktiń shekarasy dep sanaımyz. Eki jaqtyń shekara mańyndaǵy aýdandarynda 32 mıllıonǵa jýyq adam turady. Bul da aıryqsha mańyzdy. Eki eldiń aımaqtary bizdiń memleketaralyq qatynastarymyzdy nyǵaıtýǵa eleýli úles qosyp otyr. Sondyqtan memleket basshylarynyń О́ńiraralyq yntymaqtastyqtyń HH forýmyna birge qatysýy osy sapar barysyndaǵy mańyzdy shara bolmaq. Aldaǵy sapar ınvestısııa jáne saýda salasyndaǵy yntymaqtastyqty jandandyrýǵa zor serpin berip, qos halyqtyń ıgiligine arnalǵan birlesken jobalardy bastaýǵa septigin tıgizedi dep senemin», dep túıindedi el Prezıdenti.
