Memleket basyshysy naqtylaǵandaı, Qazaqstan men Reseı kóppolıarly álem, beıbit dıalog, barlyq memlekettiń egemendigin qurmetteý syndy ıdeıalardy dáriptep, halyqaralyq arenada ózara tabysty qarym-qatynas quryp otyr.
«Eki eldiń jahandyq jáne aımaqtyq deńgeıdegi kóptegen máselege qatysty ustanymy úndes. Táýelsiz memleketter dostastyǵy, Ujymdyq qaýipsizdik týraly shart uıymy, Shanhaı yntymaqtastyq uıymy, Azııadaǵy ózara is-qımyl jáne senim sharalary jónindegi keńes jáne basqa da ıntegrasııalyq birlestikter aıasyndaǵy tyǵyz yqpaldastyq – sonyń aıqyn dáleli.
Bıyl shilde aıynda Astanada Shanhaı yntymaqtastyq uıymynyń sammıti ótti. Onda «Ádil álem, kelisim jáne damý jolyndaǵy jahandyq birlik» týraly deklarasııa qabyldandy. Bul qujat uıymnyń Eýrazııada jańa, birtutas jáne bólinbes qaýipsizdik arhıtektýrasyn qurýǵa yqpal ete alatynyn aıǵaqtaıdy», dep jazdy Prezıdent.
Memleket basshysy Qazan aıynda Máskeý qalasynda TMD-ǵa múshe elderdiń memleket basshylary keńesi otyrysynyń ótkizilýi bıylǵy mańyzdy oqıǵanyń biri bolǵanyn atap ótti.
Aıta keteıik, bıyl Qazaqstan Ujymdyq qaýipsizdik týraly shart uıymyna tóraǵalyq etip otyr.
«Astanada ótetin aldaǵy sammıt aımaqtaǵy qaýipsizdik pen turaqtylyqty nyǵaıta túsetin basty oqıǵa bolmaq. Elimiz ujymdyq qaýipsizdikti beıbit jolmen qamtamasyz etý jáne uıymǵa múshe memleketter arasyndaǵy dostyq qarym-qatynasty saqtaý jolynda kúsh biriktirýdi barynsha qoldap otyr. Sondaı-aq BRIKS uıymynyń Qazan qalasyndaǵy tarıhı sammıti óte nátıjeli bolǵanyn atap ótkim keledi. Bul forým Vladımır Vladımırovıch Pýtınniń erik-jigeri men abyroı bedeliniń jáne álem jurtynyń 45 paıyzynyń múddesin qorǵaıtyn birlestikke Reseıdiń tıimdi tóraǵalyq etýiniń arqasynda ótti», dep jazdy Memleket basshysy.
