Foto: total.kz
Mınıstrlik aqparatyna súıensek, atalǵan keleńsizdik Bilim salasyndaǵy sapany qamtamasyz etý komıteti men onyń aýmaqtyq departamentteriniń bilim uıymdaryna monıtorıngi barysynda anyqtaldy. Jyl basynan beri júrgizilgen tekserý nátıjesi kórsetkendeı, 58 mektep bilim berý qyzmetin lısenzııasyz júrgizgen. Búgingi tańda sonyń 17-si oqytý qyzmetine qoıylatyn talaptarǵa sáıkestendirdi. Lısenzııasyz qyzmet júrgizgen mektepterge qatysty Ákimshilik quqyq buzýshylyq týraly kodekstiń 463-baby boıynsha aıyppul salýǵa sot qaýlysy shyqty. Bul bilim berý uıymdary negizinen Astana, Almaty qalalary men Atyraý, Almaty, Batys Qazaqstan, Túrkistan, Mańǵystaý, Jambyl oblystarynda ornalasqan.
Bilim salasyndaǵy sapany qamtamasyz etý komıtetiniń tóraǵasy Ernur Dáýenov osy máselege oraı: «Qoldanystaǵy «Bilim týraly» Zańǵa sáıkes barlyq mektep bilim berý qyzmetin bastamas buryn ruqsat alýǵa mindetti. Lısenzııanyń bolmaýy mektepterdiń talaptarǵa sáıkestigi boıynsha tekserýden ótpegenin nemese ruqsat alý úshin qujattardy tapsyrmaǵanyn bildiredi. Bilim berý uıymdary bilim berý qyzmetimen aınalysýǵa lısenzııa alǵan sátten bastap qana quqyly. Eger mektep memlekettik tirkeýden ótken sátten bastap alty aı ishinde lısenzııa almasa, sot tártibimen jabylýǵa tıis», dep pikir bildirdi.
Lısenzııa alýǵa qoıylatyn negizgi talaptar tıisti materıaldyq-tehnıkalyq bazanyń, bilikti pedagogıkalyq quramnyń bolýyn, sanıtarlyq-epıdemıologııalyq, órtke qarsy normalardyń saqtalýyn, sondaı-aq bilim alýshylarǵa medısınalyq qyzmet kórsetýdi uıymdastyrýdy qamtıdy. Osy talaptarǵa sáıkes kelmeý ákimshilik jaza qoldaný men qaıtalama buzýshylyq bolǵan jaǵdaıda bilim berý mekemesiniń qyzmetin toqtatý úshin negiz bolyp sanalady.
Aıta ketý kerek, mektepter baǵynystylyǵy jaǵynan jergilikti atqarýshy organdarǵa qaraıdy. О́z kezeginde aýmaqtyq departamentter óńirlik ákimdikter men bilim basqarmalarynyń basshylaryna buzýshylyqtardy joıý jóninde sharalar qabyldaý týraly resmı hat joldady.
