Foto: Astana qalasynyń ákimdigi
Jıynǵa QR Parlamenti Májilisiniń depýtattary Murat Ábenov, Jarqynbek Amantaıuly, Respýblıkalyq ákeler odaǵy Astana qalasy fılıaly tóraǵasynyń orynbasary Marat Kóshkinbaev, ekonomıka salasyndaǵy halyqaralyq sarapshy Erǵalı Muqanuly, QR Oqý-aǵartý mınıstrligi «О́rken» balalardyń ál-aýqatyn arttyrý ulttyq ǵylymı-praktıkalyq ınstıtýtynyń bas ǵylymı qyzmetkeri, fılosofııa doktory Arystan Satanov, «Turan-Astana» ýnıversıtetiniń rektory Gúljamal Japarova, «Ulttyq qundylyqtar akademııasy» respýblıkalyq qoǵamdyq birlestiginiń tóraǵasy Ádilhan Dúısebek, sondaı-aq stýdentter qatysty.
«Basty maqsat – bılik pen qoǵamnyń belsendi azamattaryn biriktirý, jastar arasyndaǵy máseleler boıynsha oı bólisý. Jaqynda ótken osyndaı bir kezdesýde stýdentter onlaın-nesıe, alaıaqtyq, nashaqorlyq taqyryptaryn kóterdi. Keıin biz bulardy jan-jaqty zerttep, sheshý joldaryn qarastyramyz. Búgingi is-shara taqyryby «Tártipti ózińnen basta!» dep atalady. Ár adam tártipti ózinen bastaýy kerek», dedi Murat Ábenov.
Atalǵan is-sharany «Azamattyq sektor men jergilikti atqarýshy organdar arasynda senimdi dıalogty qalyptastyrý» jobasy aıasynda Astana qalasy ákimdigi men «Serpin» áleýmettik damý ulttyq qory uıymdastyryp otyr.
Dıalogtyq alańda zań men tártipti qoǵamdyq ortada dáripteý, jastardyń quqyqtyq saýattylyǵyn, jaýapkershiligi men azamattyq belsendiligin arttyrý, zııandy áreketter men zorlyq-zombylyqtyń aldyn alý joldary talqylandy.
Sondaı-aq otyrys barysynda sala mamandary «Jastardyń áleýmettik máseleleri jáne olardy sheshýdiń quqyqtyq-normatıvtik negizderi» taqyrybynda stýdentterge kásibı quqyqtyq keńesterin berdi.
