Mektep ǵımaraty tórt qabatty. Bul oblys mektepteri arasyndaǵy eń úlkeni. Aýmaǵynda balalarǵa yńǵaıly bolý úshin qoıylǵan perımetrlik kireberister, bastaýysh synyptar men joǵary synyptaǵylarǵa arnalǵan jeke kireberister bar. Mektep aýlasynda oıyn, vorkaýt, fýtbol, basketbol alańdary, hokkeı korty, júgirý alańy bar. Aýlany kógaldandyrýǵa arnalǵan aǵashtar qońyrjaı beldeýlik klımatqa tańdalyp alynǵan. Jańa bilim oshaǵynda osy aýdanǵa jaqyn «Trılıstnık», «Arena Park», «Jańa ortalyq», «Atameken», «Komfortnyı dom», «Sapfır», «Baısanat», «Zaman», «Amadına», «Onix», «Mereı» turǵyn úı keshenderinde turatyn oqýshylar bilim alyp jatyr.
Qazir mektepte 1 525 oqýshy bilim alady. Áli de oqýshylardy mektepke qabyldap jatyr. Munda birden qasyndaǵy Álimhan Ermekov atyndaǵy mektep-lıseıden 1 200 bala aýystyryldy. Munymen qosa, №102, 101 jáne 86 mektepten de qabyldandy.
«Jaıly mekteptiń» salynýyna dáneker «Samruk-Kazyna Construction» kompanııasy qurylys kezinde barlyq materıal otandyq taýar óndirýshilerden satyp alynatynyn aıtqan. Sol talap saqtalyp, syrtqy qasbetine qajet materıaldy da otandyq ónimnen tańdaǵan. Mektep ishine qajetti barlyq sapaly jabdyq ta elimizdiń jıhaz shyǵarýshylarynan.
Osylaısha, 2 myń oqýshyǵa arnalǵan «Jaıly mektep» qalanyń Ońtústik-Shyǵys bóliginde ornalasqan tórt mekteptiń júktemesin azaıtyp otyr.
– «Jaıly mektepterdiń» jabdyqtary men qurylys materıaldary joǵary talaptarǵa sáıkes tańdalyp alynǵan. Prezıdenttiń mega jobasyn sapaly iske asyrýda sportzaldardyń sany basqa mektepterden áldeqaıda artyq. Mektepterdiń dızaıny da erekshe, tipti bastaýysh pen eresek synyptardyń bólek bloktarda oqýy sekildi máseleler de jiti qarastyrylǵan. Shalǵaıdaǵy aýyldardyń ózinde jaıly mektepterdiń boı kóteretini balalar úshin úlken olja bolǵaly tur. Bizge №103 mektepten 40 muǵalim 40 synyppen aýysyp keldi. Jas pedagogter konkýrs arqyly qabyldandy. Qazirdiń ózinde 130-dan astam muǵalim jumysqa qabyldandy. Jalpy, ózim jas mamandarmen jumys istegendi unatamyn. О́ıtkeni jastardyń ıntellektisi joǵary, izdenimpaz. Jastardan da dáris alamyz, tájirıbe almasamyz, – deıdi mektep dırektorynyń mindetin atqarýshy Gúldana Asamıdanova.
«Jaıly mektepte» taǵy bizdiń kózimizge túskeni – muǵalimder men oqýshylardyń tegis bir úlgide ulttyq kıim kıgeni. Oqýshylar kıimderiniń oń jaq keýdeshesine «Alash» belgisin, ustazdar kamzoldarynyń beldemshesine, er muǵalimder jeletkeleriniń sol jaǵasyna órnek salǵan.
– Ata-analardyń kóbisi mektep formasynyń birdeı bolǵanyn qoldady. Balalar arasynda «Seniń kıimiń qandaı?» degen artyq saýal bolmaıdy. Ustazdardyń ózderi «Erteń ne kıemin?» dep basyn qatyrmaıdy. О́ıtkeni mektepke birdeı forma bekittik. «Jaıly mekteptiń» basty ustanymynyń biri – bilim berýshiler men alýshylarǵa jaılylyq syılaý. Biz úshin – bári teń. Balalar barlyq nazaryn bilimge, ulttyq tárbıege bursa degen nıet, – deıdi Gúldana Ibraıkenqyzy.
Bastaýysh jáne joǵarǵy synyptar úshin bólek bloktar bar. Mekteptiń ár qabatynda kovorkıng alańdary bar bolǵandyqtan, oqýshylar emin-erkin pikir almasady, ashyq áńgimelesedi.
Munymen qosa, shahmat, toǵyzqumalaq, doıby sekildi logıkaǵa qajetti qural-jabdyqtardyń bári bar. Oqýshylarǵa jasandy ıntellekt jaıly jan-jaqty túsindiretin Ersultan Turdynov – belsendi jas maman. «Jyl muǵalimi» atanǵan ol oqýshylardy doıbyǵa daıyndap jatyr.
– Oqýshylarǵa shahmat jáne ulttyq oıyn toǵyzqumalaqtan sabaq beremin. Oqýshylar aldaǵy ýaqytta ótetin oblystyq jarystarǵa daıyndyq ústinde, – deıdi hımııa pániniń muǵalimi, shahmattan sport sheberi Ersultan Turdynov.
Bilim alýshylardyń kóbi tańerteńgi aýysymda oqıtyndyqtan olar túski ýaqytyn qosymsha sabaqqa jumsaıdy. Mektep ishinen ashylǵan túrli úıirmege balalar asa qyzyǵýshylyqpen qatysady.
– Qazirgi tańda 13 negizgi jáne qosymsha dene tárbıesine daıyndaıtyn 4 úıirme men debat klýby bar. Úıirmege qatysatyn oqýshylarǵa ózderimen úıden eshteńe ákelip áýre bolmaıdy. «Jaıly mektepte» dombyra, doıby, kúres, horeografııa sekildi qosymsha sabaqtar úshin qajetti jabdyqtyń bári bar. Sabaǵyn aıaqtaǵan oqýshy óziniń uıashyq sóresine kıimderin qoıyp, aýystyryp, túski asyn iship, úıirmege alańsyz qatysa alady. Kóp oqýshylar ýaqytyn oqyrman zalynda ótkizedi, – deıdi mektep basshysy.
Mekteptiń joǵary qabatyndaǵy oqyrman zalynda tek kitap oqýmen shektelmeıdi, qosymsha elektrondy kitappen jumys isteı alady. Kitaphana meńgerýshisi Gúlzat Sekenqyzy kitap qoryn saqtaıtyn arnaıy bólme qarastyrylǵanyn aıtady. Bıyl 1 500 bala jańa oqýlyqpen qamtylǵan. Qalǵan 400-deı kitap sórede saqtaýly.
Munymen qosa, «Jaıly mektepte» bastaýysh jáne joǵary synyp oqýshylary úshin oqý kabınetteri, sanıtarlyq toraptar men sport zaldyń bloktary keń. STEM-zerthana, robottehnıka, horeografııa zaldarymen qatar ınklıýzııa kabınetteri de bar.
– Barlyq sabaq taqyryptyq kartalarymen erekshe. Basqa mekteptermen salystyrǵanda árbir oqýshyǵa qoljetimdi, árbir partada globýstar men ınterbelsendi taqta da bar. Osy múmkindikti paıdalanyp, beınerolıkter kórsetemiz. Oqýshylar ártúrli platformalarda jumys isteıdi. Máselen, synyptyń ózinde globýstyń ár túri bar. Oqýshyǵa da muǵalimge de barlyq múmkindik qarastyrylǵan, – deıdi mektepke A.Baıtursynov atyndaǵy mektep-gımnazııasynan aýysyp kelgen geografııa pániniń muǵalimi Saltanat Sadyqova.
«Jaıly mekteptiń» taǵy bir artyqshylyǵy – ár muǵalimde jeke kompıýter bar. Mundaǵy oqýshylar kabınet aýystyryp, kóship júrmeıdi. Barlyq kabınet pen zerthanalar modıfıkasııalanǵan.
Mektepte múmkindigi shekteýli oqýshylarǵa arnaıy lıft ornatylǵan. Inklıýzıvti synyptar arasynda 6 bala bilim alatyndyqtan, ınklıýzıvti bilimge erekshe mán beredi. О́ıtkeni múgedektigi bar balalar úshin kedergisiz orta qurylýy qajet deıdi mektep ákimshiligi.
– «Jaıly mekteptiń» jıyn zalynyń ózi konsert saraıyna bergisiz. Munda aptasyna bir márte tanymdyq sabaq ótip turady. Ásirese bastaýysh synyp oqýshylaryna – qazaqsha mýltfılmder, 3-4-synyp oqýshylaryna – kórkem fılmder, 5-7-synyptarǵa – tanymdyq ári tarıhı fılmder kórsetedi. Al joǵarǵy synyp kóbinese uly ǵalymdar, tulǵalar jaıynda derekti fılm tamashalaıdy, – deıdi qazaq tili men ádebıeti pániniń muǵalimi, bilikti ustaz Martbek Kúzembaev.
Bir mezette mektep ashanasynan 480 bala tamaqtana alady. Mundaǵy as máziri de mol. Balalar as iship bolǵan soń bata qaıyrady. Bul «Jaıly mektep» ashanasynyń jazylmaǵan zańy.
Balalar qaýipsizdigi – «Jaıly mektep» ustanatyn basty qaǵıda. Kez kelgen ýaqytta qaýip tóngenin sezingen oqýshy polısııa shaqyrý tetigin basa alady. Munymen qosa mekteptiń ishki bóliginde 152 beınebaqylaý, ǵımarattyń syrtynda 30 beınebaqylaý kamerasy ornatylǵan.
Mine, biz kórgen «Jaıly mekteptiń» ıgiligi osyndaı. Mektep ujymy jaqynda ǵana «Mirjaqyp Dýlatuly – Alash ardaqtysy» atty ǵylymı-tanymdyq konferensııa ótkizdi. Konferensııa negizinde Alash qaıratkerine qatysty birneshe joba qolǵa alynatyn boldy. Bastysy jalyndap turǵan «Jaıly mektep» Mirjaqyptyń atyn alǵysy keledi. Ol kúnniń de aýyly alys emestigine sengimiz keledi.
Sonymen, óńirimizde keler jylǵa qaraı dáp osyndaı 18 «Jaıly mektep» salynady. Tórteýi – Qaraǵandyda qalasynda, úsheýi – Buqar Jyraý aýdanynda, ekeýi – Shet aýdanynda jáne bireýi – Balqashtan ashylady. Qalǵan segiz mektep Abaı, Qarqaraly, Prıozersk, Nura kentinde boı kóteredi. Bul degenimiz – úsh aýysymdy oqytý, mekteptegi oryn tapshylyǵy sekildi máselelerdi joıady.
Qaraǵandy oblysy
