Magıstratýraǵa qujat qabyldaıdy

Ǵylym jáne joǵary bilim mı­nıs­trliginiń habarlaýynsha, 9 jel­toq­sanda magıstratýraǵa bilim grant­taryn taǵaıyndaý konkýrsyna qatysý úshin qujat qabyldaý bastalady. Qa­byldaý 13 jeltoqsanǵa deıin (qosa al­ǵan­da) joǵary oqý oryndarynyń qa­byl­daý komıssııalary, sonyń ishin­de vırtýaldy qabyldaý komıssııalary arqyly júzege asyrylady. Iаǵnı ta­lap­kerler qujattaryn dástúrli jáne onlaın formatta tapsyra alady.

Magıstratýraǵa túsý úshin ǵy­ly­mı-pedagogıkalyq baǵyt boıynsha keminde 75 ball, beıindik baǵyt boıyn­sha az degende 30 ball jınaý qajet. Magıstratýrada oqý­ǵa arnalǵan bilim granttary ke­shendi testileý nátıjeleri boıyn­sha konkýrstyq negizde taǵaıyn­dalady. Konkýrsqa qatysý úshin kelesi qujattardy tapsyrý qajet: jeke kýáliktiń kóshirmesi, joǵary bilimi týraly qujat (dıplom jáne qosymshasy); KT sertıfıkaty jáne shet tilin meńgergenin rastaı­tyn halyqaralyq sertıfıkat­tar (bar bolǵan jaǵdaıda). 075/ý nysanyndaǵy medısınalyq anyq­tamany joǵary oqý ornyna túskende tapsyrady. Qujattardy tapsyrý kezinde oqýǵa túsýshi bilim baǵdarlamalarynyń bir tobyn jáne úsh joǵary oqý ornyn kórsetýge quqyly.

Magıstratýraǵa túsýshiler osy joly 4 myń memlekettik bi­lim gran­tyna úmitker bola ala­dy. Magıs­tra­týraǵa bilim gran­ty ıeger­leriniń tizi­mi 25 jeltoq­sanǵa deıin Ǵylym jáne joǵary bilim mınıstrligi men Ulttyq testi­­leý or­talyǵynyń resmı saıtynda, áleýmettik jelilerdegi paraqsha­larynda jarııalanady. Al bolashaq ma­gıstranttardyń oqýǵa qa­bylda­nýy 26 jeltoqsan men 2025 jyl­dyń 10 qańtary aralyǵynda júr­giziledi.

Ulttyq testileý ortalyǵynyń deregine súıensek, jazdaǵy magıs­tra­týraǵa tapsyrǵandardyń ortasha kórsetkishi ǵylymı-pedagogıkalyq baǵytta 71 ball, beıindik baǵyt bo­ıynsha 24 ball boldy. Eń joǵarysy 135 baldy qurady. Sol kezdegi testileý qorytyndysynda 38 qatysýshynyń nátıjesi joıyldy. Onyń ishinde 25 testilenýshi smartfon, shpargalka jáne basqa da tyıym salynǵan zattardy alyp ótýge tyrysqany úshin test tapsyrý múmkindiginen aıyryldy. Keshendi testileý kezinde ere­jelerdi buzǵany úshin aýdıtorııa­dan 12 adam shyǵarylyp, olardyń nátıjeleri joıyldy. Sondaı-aq testileý beınejazbalaryn qaıta tekserý nátıjesinde 1 adamnyń baly joıyldy. Bógde tulǵa anyqtalǵan joq. Respýblıkalyq apellıasııalyq komıssııaǵa 5,5 myń ótinish, onyń ishinde mazmuny boıynsha 5,1 myń, tehnıkalyq sebepterge baılanys­ty 344 ótinish tústi. Apellıasııalyq komıssııanyń sheshimimen 54 biregeı test tapsyrmasy qanaǵattandyryldy: mazmuny boıynsha – 44, tehnıkalyq sebepterge baılanysty – 10 tapsyrma. Osy joly tapsyrǵan talapkerler de qorytyndysymen kelispegen jaǵdaıda apellıasııaǵa birden ótinim bere alady.