Foto: Egemen.kz
Oljas Bektenov Prezıdent tapsyrmasyna oraı ulttyq geologııalyq qyzmet tıisti qoldaý men ókilettikterge ıe bolý kerek ekenine nazar aýdardy. Soǵan saı onyń ǵylymı-tehnologııalyq ınfraqurylymyn damytý máselesi talqylandy.
Úkimet bul baǵytta «Samuryq-Qazyna» qorymen birlesken jumysty úılestirýdiń mańyzyn da ortaǵa saldy. Endi zamanaýı tehnologııalardy, onyń ishinde jerdegi zertteýlerge shyǵyndardy qysqartýǵa múmkindik beretin aerogeofızıkalyq túsirilimder paıdalanylmaq.
Osyǵan baılanysty 30 jyl bolǵan jáne odan da buryn alynǵan geologııalyq aqparatty sıfrlandyrý kerek. Bul derekter áli kúnge deıin qaǵaz júzinde nemese plenkalarda saqtalyp keledi. Budan basqa, ınvestısııalardy tartý maqsatynda halyqaralyq qarjy uıymdary úshin sertıfıkattalǵan zerthanalyq rastama qajet.
«Ken kózderin barlaý jumystarynyń geologııalyq jáne qarjylyq táýekelderi qashanda joǵary.Álemdik statıstıkaǵa sáıkes, geologııalyq barlaý jobalarynyń tabysty bolýy nebári 20-30%-dy quraıdy. Sondyqtan Úkimet osy salany qoldaýǵa, ınvestısııalar tartý úshin qolaıly jaǵdaı jasaýǵa, jańa yntalandyrý tetikterin ázirleýge jáne zańnamany odan ári jetildirýge erekshe nazar aýdarady», dedi Oljas Bektenov.
