Foto: Ashyq derekkóz
Sporttyq ataqtar men razrıadtardy berý júıesin jetildirý aıasynda sporttyń barlyq túri boıynsha, onyń ishinde sporttyq akrobatıka jáne kórkem gımnastıka sııaqty sport túrlerine ózgerister engizýdi kózdeıtin jańa buıryq jobasy ázirlengen.
«Sporttyq ataqtardy, razrıadtardy jáne biliktilik sanattaryn berý «Sporttyq ataqtardy, razrıadtardy jáne biliktilik sanattaryn berý normalary men talaptaryn bekitý týraly» Qazaqstan Respýblıkasy Mádenıet jáne sport mınıstri mindetin atqarýshynyń 2014 jylǵy 28 qazandaǵy № 56 buıryǵymen (budan ári – buıryq) bekitilgen normalar men talaptarmen retteledi. Bul rette ótinimderdi berý tártibin qosa alǵanda, ótinim berý júıesiniń ózi sporttyq ataqtar, razrıadtar jáne biliktilik sanattaryn berý men olardan aıyrýdyń barlyq tetigin retteıtin 2014 jylǵy 29 shildedegi № 300 buıryqpen aıqyndalady», delingen mınıstrlik habarlamasynda.
О́zgerister engizilip jatqan jańa buıryq kóptegen sport túri boıynsha normalardy, sonyń ishinde respýblıkalyq akkredıttelgen sport federasııalary ázirlegen kórkem gımnastıka jáne sporttyq akrobatıka boıynsha baldyq baǵalaý júıesin engizýdi kózdeıdi. Osy ýaqytqa deıin atalǵan sport túrlerindegi ataqtar men razrıadtar tek júldeli oryndar negizinde beriletin.
Sonymen qatar jańa normalar sporttyń barlyq sanattary: olımpıadalyq, paralımpıadalyq, ulttyq, olımpıadalyq emes, tehnıkalyq, áskerı-qoldanbaly jáne basqalar úshin ataqtar men razrıadtardy berýge biryńǵaı tásildi engizýdi kózdeıdi. Buıryq jobasynda beıindi sport federasııalarymen yntymaqtastyqta ázirlengen barlyq sport túrine qoıylatyn talaptar naqtylanady.
Jańa buıryqtyń talaptaryn oryndaǵan sportshylar jańartylǵan normalar kúshine engenge deıin jarystarda qol jetkizgen nátıjelerdi qosa alǵanda, ataqtar men razrıadtardy berý quqyǵyn saqtaıdy.
Qazirgi ýaqytta buıryq jobasy QR Týrızm jáne sport mınıstrliginiń Zań qyzmeti departamentine kelisýge jiberilgen. Qujat 2025 jyldyń qańtarynda bekitiledi dep kútiledi.
