foto kazgazeta.kz
Hattama mátini tómendegideı:
1.Ruqsatsyz aksııaǵa qatysqan BJB qyzmetkerleri tolyq quramda jumysqa shyǵýy kerek.
2. Hattamanyń birinshi tarmaǵy oryndalǵan jaǵdaıda, jumysshylarǵa QMG jáne О́MG tarapynan tártiptik jaza qoldanylmaıdy;
3. Barlyq qoıylǵan talap QR zańnamasyna sáıkes bitimgerlik komıssııa otyrysynda qaralsyn.
Hattama ruqsatsyz aksııaǵa shyqqan jumysshylardyń nazaryna jetkizildi. Alaıda, О́MG BJB kásipodaq tóraǵasy oǵan qol qoıýdan bas tartty.
QR zańnamasyna sáıkes eńbek qatynastary úshinshi tulǵalardyń aralasýynsyz tikeleı jumys berýshi men jumysshylar arasynda rettelýi tıis.
«QazMunaıGaz» UK AQ osyǵan deıin ár talap boıynsha tolyq túsinikteme bergen bolatyn. Mysaly, О́MG zeınetkerleriniń (burynǵy qyzmetkerleriniń) balalary kompanııanyń shtatyna tikeleı alynsa, 2020 jyly bekitilgen jumysqa ornalasý algorıtmin buzady. Algorıtmge sáıkes О́MG zeınetkerleriniń balalary men jumyssyz azamattar teń dárejede jumysqa qabyldanady. Bul talapty oryndaý múmkin emes, óıtkeni jumysqa ornalasý kezegin kútip otyrǵan Jańaózen qalasynyń basqa jumyssyz turǵyndarynyń quqyǵyn buzady.
Sondaı-aq, QazMunaıGaz kompanııasy О́MG qyzmetkerlerine kórsetiletin áleýmettik kómek týraly tolyq aqparat berdi. О́MG men úsh kásipodaq arasyndaǵy ujymdyq shart 2024 jyly 25 sáýirde jasaldy. Ujymdyq shartqa sáıkes О́MG qyzmetkerlerin áleýmettik qoldaýǵa 44 mlrd teńge qarastyrylǵan, sonyń 5 mlrd teńgesi (11%) kompanııanyń Burǵylaý jumystary basqarmasyna arnalǵan.
«О́MG-de jaqsy eńbek jaǵdaıy jasalǵan dep esepteımiz, árbir qyzmetkerdi áleýmettik qoldaýǵa jyl saıyn 3,8 mln teńge bólinedi. BJB jumysshylaryn jumysqa shyǵýǵa jáne kelissózdi bitimgerlik komıssııa aıasynda júrgizýge shaqyramyz» delingen vedomostvo habarlamasynda.
Aıta keteıik, 2024 jyly 12 qarashada «О́zenmunaıgaz» AQ-ǵa qarasty Burǵylaý jumystary basqarmasy qyzmetkerleriniń kásipodaǵy ruqsatsyz aksııa uıymdastyryp, birqatar talap qoıǵan bolatyn. О́zenmunaıgaz basshylyǵy BJB jumysshylarymen turaqty túrde kelissóz júrgizip keledi.
