«Inflıasııany shegergennen keıin Almatyda ortasha aılyq jalaqy naqty mánde 6,1 paıyzǵa ósip, 470 myń teńgeni qurady», dedi О́mirbaev óz baıandamasynda.
Ol Almaty ekonomıkasynyń serpindi damyp kele jatqanyn atap ótti.
«Joǵary ınvestısııalyq belsendilik pen qarqyndy ekonomıkalyq ósý 58,3 myń jumys ornyn qurýǵa múmkindik berdi, onyń 80 paıyzy turaqty jumys isteıdi, nátıjesinde jumyssyzdyq deńgeıi 4,6 paıyzǵa deıin tómendedi», dep qosty ol.
Sonymen qatar, bıylǵy jyldyń qarasha aıynda jyldyq ınflıasııa 9 paıyzǵa deıin tómendedi.
«Biz ınflıasııanyń 2024 jyldyń sońyna qaraı 8,5 paıyzǵa deıin jáne 2025 jyly 7,5 paıyzǵa deıin odan ári baıaýlaýyn kútemiz. Jalpy, Almaty qalasynyń ekonomıkalyq ósimi 2024 jyly 5,5 paıyzdy quraıdy dep kútiledi. 2025 jyly qala ekonomıkasy 6,4 paıyzǵa deıin ósedi dep boljandy», dedi Dastan О́mirbaev.
Eske salaıyq, qarashada Almaty ákimdigi bıylǵy jyly qala turǵyndarynyń ortasha aılyq jalaqysy 468 myń teńgeni (respýblıka boıynsha – 392,6 myń teńge) quraǵanyn habarlaǵan edi. Nomınaldy túrde jalaqy 15,5 paıyzǵa, naqty mánde (ınflıasııany esepke alǵanda) 5,7 paıyzǵa ósti.
