Ken baıytýshy Aınur

Mys óndirisiniń bas ken baıy­týshysy Aınur Jumaǵulqyzy Bıjanova jaqynda óndiriste sıfrlyq basqarý daǵdylaryn engizýdegi jańashyldyǵy, qyz­met­ker­lerdiń kásibı biliktilikterin kó­terýdegi uıymdastyrýshylyq qa­bileti men jaýapkershiligi jo­ǵary baǵalanyp, «Jaýyngerlik erligi úshin» medalimen marapattaldy.

Qyryq jastaǵy ken baıytý­shy­nyń eńbek ótili – 16 jyl. Ol Aqtóbe qalasyndaǵy №30 qazaq orta mektebin bitirgen soń, Reseıdegi eń tanymal tehnıkalyq joǵary oqý oryndarynyń biri – Máskeý bolat jáne qorytpalar ıns­tıtýtyna túsip, ony úzdik aıaq­tap, 2008 jyly Aqtóbe mys kompanııasyna flotator bolyp ornalasty. Jer astynan alynǵan ken usaqtalyp, suryptalyp, qajetti mólsherde untaqqa aınalady. Bólshekterdiń mıneraldardan bólinýin jeńildetetin jumysty flotator basqarady. Ol kennen paıdaly qazbalardy aıyratyn jabdyqtardy iske qosyp, ondaǵy qysym, temperatýra, reagentter mólsheri, kóbiktiń bıiktigin anyqtaıdy. Sondyqtan da tústi metaldar óndirisinde hımııalyq zattarmen jumys isteıtin flotator qyzmeti erekshe jaýap­kershilikti qajet etedi. Maman hımııalyq reagentterdiń mól­she­rin durys tańdaı bilýmen qatar, olardyń qospadaǵy mól­she­rin dál teńdes­ti­rýge de jaýap­ty. Ekin­shi jaǵynan, ken aıyratyn tehnı­ka­lyq jab­dyq­tardy basqa­ra­tyn bol­ǵan soń, óndiristegi qaýip­sizdik ere­je­lerin de qatań saqtaýǵa min­detti.

24 jasynda jańadan ashyl­ǵan kompanııadaǵy asa qıyn ju­mystyń tizginin qolǵa alǵan Aınur qara jumystan qaımyqpaı, tabandylyqpen eńbek etti. Bir qaraǵanda qyz balaǵa alystaǵy kenishte bes kúndik vahtalyq jumys­pen qatynap isteý, fabrı­kada­ǵy shań-tozańdy jutý ońaı emes. Soǵan qaramastan, tań­da­­ǵan mamandyǵyna degen qur­meti Aınur­dy óndiristegi qıyn­dyq­tardy jeńe bilýge úıretti. Birer jyl­dan soń, osy kom­pa­nııa­nyń №2 ken baıytý fabrıkasyna tehnolog, odan bas tehnolog bo­lyp aýys­ty. Tústi metaldar ón­di­risindegi jaýapty jumys tizgi­nin­degi jas mamanǵa basqa kompanııa­lardan da usynys túse bastady.

Aınur Jumaǵulqyzy 2015 jy­ly eli­mizdegi iri taý-ken kompa­­nııa­­­larynyń biri – «Kaz Minerals PLC» korporasııasynyń quramy­­­na kire­tin «QazMınerals Borshakól» kompanııasyna aýysty. Borshakól ken orny – Pavlodar oblysynyń Aqsý qalasynan 60 shaqyrym jerde orna­lasqan elimizdegi iri mys ken oryn­darynyń biri. Bul jerde mys óndirý 2016 jyly bastaldy. 2020 jyly ol «ERG» kompanııa­syna aýy­syp, úsh jyldan soń qaı­ta­dan Aqtóbe mys kompanııa­syna bas ken baıytýshy bolyp keldi.

Aınur qazir turmysta, eki bala­sy bar. Eri de osy kompanııanyń ken baıytý fabrıkasynda eń­bek ete­di. Bes kúndik jumysta júr­gen­de kish­kentaı balalaryn ata-anasy qaraıdy.

A.Bıjanova únemi izdenis ústinde júrgendi jaqsy kóredi. Kenshi­niń beınetti jumysyn óte jaqsy biletin maman qol eńbe­gin jeńildetý úshin óndiriske jańa­shyl­dyq engizý qajettigin nazarǵa ustap, osy maqsatta basshylyqqa usynystar bildirip júr.

«Flotasııanyń negizgi kezeńderi – kendi usaqtaý, suryptaý. Bul bólshekterdiń mıneraldardan bólinýin jeńildetedi. Ken baıytý isi – fı­zı­kalyq-hımııalyq úderis­ter­ge negizdelgen óte kúr­deli sala. Ken­shi­lerdiń jumysyn jeńildetip, óndi­risti ońtaılandyrý maqsa­tynda «Aqtóbe mys kompanııasy» JShS basshylyǵy óndiriske sıfr­lyq kómekshi engizý jobasyn qol­ǵa aldy. Biz bul jumysty №1 baıy­­tý fabrıkasynda júze­ge asyr­­­maq­shy­myz. Qazir qaıta jaraq­­­tan­dy­rý jumystary júrip jatyr. Al­daǵy jyldyń shilde­sinen osy jer­­degi barlyq tehno­logııa­lyq úde­­risti sıfrlyq kómek­shi basqa­ra­tyn bolady», deıdi Aınur Juma­ǵul­qyzy.

Otbasy men ken óndirý isindegi ju­mysyn qatar alyp júrgen batyr qyzdyń aldaǵy kúnge joba­l­a­ry óte kóp. Qazirde álem el­de­riniń qaldyqsyz óndiristegi táji­rı­be­lerin zertteýge, meńgerýge den qo­ıyp, erekshe yqylas tanytyp júr.

Aqtóbe oblysy