Turmys turaqtylyǵy – biregeı mindet

Keshe jumys saparymen Qaraǵandy oblysyna kelgen Premer-Mınıstrdiń orynbasary Berdibek Saparbaev Memleket basshynyń tapsyrmalarynan týyndaıtyn birshama ilkimdi is-sharalardyń ornyqty júzege asyrylý úderisine qatysyp, arnaıy keńes ótkizdi. Sapar barysynda vıse-premer men oblys ákimi Nur­­mu­hambet Ábdibekov In­dýs­trııa­landyrý kartasy aıa­synda «Saryarqa» arnaıy ekonomı­kalyq aımaǵy aýma­ǵynda qu­ryl­ǵan aınalmaly kran­dar men tyǵyndy armatýralar shyǵaratyn qazaqstandyq-germanııalyq bir­­les­ken kásip­oryn – «Bemer Ar­matýra» JShS-inde bolyp, tyń úrdispen jumys isteıtin óndiris ornynyń tynys-tirshiligimen tanysty. Sodan keıin osy kásiporynda aımaqtaǵy ónerkásip sala­sy­nyń qýatyn odan ári damytý, óndiristik úderisterdi turaq­tandyrýdy qamtamasyz etý jáne qazaqstandyq mazmun úlesin arttyrý sekildi ózekti máseleler boıynsha keńeı­tilgen keńes ótkizildi. Keńesti ashý sátindegi kirispe sózinde oblys ákimi N.Ábdibekov energııalyq resýrs­tar baǵasynyń tómendeýine baılanysty óndiristik úderisterdi turaqtandyrý, ju­mys­ker-qyz­metkerlerdiń eńbek qu­qyqtary men kepildemelerin qam­tamasyz etý máselesi aıryqsha mańyzdy ekendigin atap ótti. – О́ndiristik kásiporyndar mo­lynan ornalasyp, eldiń asa iri ındýstrııalyq ortalyǵy bolýy sebepti Qaraǵandy oblysy Elba­synyń erekshe qadaǵalaýynda, – dedi aımaq basshysy. Talqylanǵan taqyrypqa saı tol­ǵaqty áńgime qozǵaǵan B.Sapar­baev óz sózinde Prezıdent Nur­sultan Nazarbaevtyń Qazaqstan halqyna arnaǵan «Nurly Jol» – bolashaqqa bastar jol» atty Joldaýynda alǵa qoıylǵan min­detterdi júzege asyrýǵa qatysty qolǵa alynǵan pármendi sharalar men olardyń naqty nátıjelerin tilge tıek etti. – Álemdik deńgeıde oryn alyp otyrǵan geosaıası jaǵdaılardyń alańdatýshylyq týdyrýy – zań­dy qubylys. Soǵan oraı, ekonomıkany qalypty jaǵdaıda ustaý jáne ony burynǵydan da utymdy deńgeıde ilgeri bastyrý, jumyssyz azamattardyń sanyn meılinshe shekteý sharalaryn shırata túsý, el kólemindegi óndiristik kásiporyndardyń ózara iskerlik qarym-qatynasyn meılinshe keńeıtý, jergilikti ónim óndirýshilerge qoldaý kórsetý, qazaqstandyq mazmun sapasyn arttyrý – búgingi kúnniń basty talaby. Baıypty áreketterdiń nátıjesinde, turǵyndardyń turmystyq áleýeti turaqty qalypta bolýy ári sapasy arta túsýi tıis. Bul – Elbasy tarapynan Úkimet pen ár deńgeıli ákimderdiń aldyna qoıylǵan biregeı mindet. Osynaý mereıli mindetti ornyqty iske asyrý maqsatynda Úkimet arnaıy is-sharalar josparyn belgiledi. Búgingi sapar – sol josparly sharalardy naqty qoldanysqa engizýdiń bastaýy, – dedi B.Saparbaev. Keńeste aımaqtyń ónerkásip salasyndaǵy qazir tańdaǵy ahýaly týraly oblys ákiminiń orynbasary Ánýar Ahmetjanovtyń esebi tyńdaldy. Atalǵan sala boıynsha oblysta aıtarlyqtaı ilgeri basý bar. Máselen, Indýstrııalandyrý kartasy boıynsha 59 joba iske qosylsa, sonyń 46-sy josparly qýatyna shyqqan. Al, qalǵandary 50 paıyzdyq deńgeıdi eńserip otyr. Salalyq baǵytqa basshylyq jasaıtyn jaýapty tulǵaǵa bir­qatar saýaldar qoıǵan vıse-pre­mer qalyptasqan jaǵdaıǵa qanaǵattanýshylyq bildirip, óndiristi órkendete túsýge, ási­rese, Indýstrııalandyrý kartasy men Monoqalalardy damy­tý baǵdarlamasy aıasyndaǵy jumystyń pármendiligin art­ty­rýǵa baılanysty naqty tapsyrmalar berdi. Keńes qorytyndysynda jalpy somasy 57 mlrd. teńgeni quraıtyn ózara yntymaqtastyq týraly 47 memorandýmǵa qol qoıyldy. Memorandýmdar mańyzy zor úsh baǵytty qamtıtynyn atap ótken jón. Onyń alǵashqysy – oblys ákimdigi, jumys berýshiler jáne kásipodaqtardyń óndiristik úderisterdi turaqtandyrý, ju­mysshy-qyzmetkerlerdiń ju­mysqa ornalasýy men eńbek quqyqtarynyń qamtamasyz etilýine qatysty ózara túsinistik pen yntymaqtastyǵy týraly. Ekinshisi – oblys ákimdigi men ulttyq kompanııalardyń arasyndaǵy jergilikti mazmundy damytý máselesine qatysty. Úshinshisi – Qaraǵandy oblysyndaǵy otandyq ónim óndirýshiler men júıeni qurýshy kásiporyndar arasyndaǵy jergilikti mazmundy damytý máselesin tııanaqtaıdy. Memorandýmdarǵa qol qoıý­shylar arasynda «Qaz­Mu­naıGaz» UK» AQ, «Qazaqstan temir jo­ly» UK» AQ, «Qazaqtelekom» AQ, «QazAvtoJol» UK» AQ, «Arse­lor­Mıttal Temirtaý» AQ, «Qazaq­mys» korporasııasy» JShS, «Eý­razııalyq Top» JShS jáne Qara­ǵandy oblysynyń ónim óndirýshileri bar. Jıyn sońynda oblys ákimi: «Biz, «jumylǵan judyryqtaı» bolyp, birlesken qımyldyń arqa­synda ekonomıkanyń aıryq­sha kezeńindegi kedergilerdi eńsere­ti­nimizge, halyq múddesi jolyndaǵy jetistikterdi júıeli etip, sany men sapasyn arttyra túsetinimizge senemin» dese, B.Saparbaev óza­ra yntymaqtastyq jónindegi memo­randýmdarǵa qol qoıǵan kásip­oryndar basshylaryna el Úkime­tiniń atynan alǵys sezimin bildirdi. – Bizdiń «bir jaǵadan bas, bir jeńnen qol» shyǵara otyryp áreket etýimiz, óz kezeginde, jumys oryndaryn saqtaýǵa, taýar óndirýshilerdi qoldaýǵa, tıisinshe, oblys turǵyndarynyń ál-aýqatyn arttyrýǵa ıgi áserin tıgizedi, – dedi vıse-premer sóz túıininde. Ahat QURMANSEIITOV, jýrnalıst. QARAǴANDY.