«Búgin qasıetti mekenge aparatyn jańa týrıstik marshrýtty iske qosyp otyrmyz. Beket ata meshiti – rýhanı qundylyqtarymyzdyń altyn qazyǵy. Bul joba Mańǵystaý óńirinde tarıhı-mádenı týrızmdi damytýǵa jáne qasıetti mekenderge qoljetimdilikti arttyrýǵa baǵyttalǵan. Barshańyzǵa sátti sapar tileımin!» dedi Mańǵystaý oblysynyń ákimi Nurdáýlet Qılybaı.
Jolaýshylardy tasymaldaý úshin syıymdylyǵy 51 oryndyq, jaıly jáne zamanaýı Yutong markili avtobýstar paıdalanylady. Avtobýstarda sapardyń uzaqtyǵyn eskere otyryp, sanıtarlyq torap (dárethana) qarastyrylǵan. Jańa baǵyt aıasynda qoǵamdyq kólikter aptasyna jeti kún boıy úzdiksiz qyzmet kórsetedi jáne bılet baǵasy da qolaıly, ıaǵnı bılet quny eresekter úshin bir baǵytqa – 1500 teńge, al 7–18 jas aralyǵyndaǵy balalarǵa – 750 teńge. Bul jeke kólik jaldaǵannan áldeqaıda jeńil baǵa ekeni qýantady. Jolaýshylar tasymalyn uıymdastyrýshy – «Caspian Trans Corporation» JShS-na turǵyndar razylyǵy zor.
Mańǵystaý oblysy
