Talaby taýdaı oqýshy

Innovasııalyq teh­no­lo­gııalarǵa qyzy­ǵý­shy­lyǵy bala jastan oıanǵan Raýan «Python» baǵdarlamalaý tilin óz erkimen úırenip, tapsyrmalardy avtomattan­dyrý, derekterdi jınaý men óńdeý úshin skrıpt­ter jazýdy, sonymen qatar «SQLite» derekter bazasymen jumys isteýdi erkin meńgergen. Jas talap veb-ázirlemede de joǵary deńgeıde, «HTML», «CSS», «JavaScript» tilderin biledi, sol ar­qyly veb-betterdi jasaý jáne baptaýmen aı­nalysady. Budan basqa, ol rýtınalyq úde­ris­terdi avtomattandyrýǵa arnalǵan sheshim­der ázirlep, veb-saıttardan derekterdi jınaý quraldaryn qoldanýda da biraz tájirıbe jına­ǵan. Matematıka men fızıkany qulshyna oqıtyn ol, bolashaqta elimizdiń tehnıka, ekonomıka ǵylymdaryna, IT salasyna óz jańalyǵymdy ákelsem degen armanyn jetkizdi.

«Jer júzinde paıda bolyp jatqan tehnolo­gııalyq jetistikter kóptegen mamandyqtyń joıylýyna ákelip otyr. Úlken ujymmen jabylyp jasaıtyn jumystardy bir ǵana kompıýter atqarady. Tehnologııasy damyǵan elder – eń baı memleketter. Meniń de maqsatym – el ǵylymynyń damýyna óz úlesimdi qosý. IT salasyna qyzyǵýshylyǵym meni únemi damýǵa umtyldyrady, jańa tehnologııalardyń sońǵy jańalyqtaryn qalt jibermeı qadaǵalap otyramyn. Ustazdarymnyń baǵyt-baǵdary, ata-anamnyń qoldaýy armandaryma jetýime qanat­tandyrady. Ol úshin talmaı izdený, eńbektený qajet ekenin jaqsy túsinemin. Oqýymdy oı­daǵy­daı aıaqtap, Massachýsets tehnologııalyq ınstı­týtynda bilim alsam deımin. Olardyń tehnologııadaǵy ozyq bilimderin ıgerip, úıren­genimdi óz elimniń ıgiligine, damýyna jumsasam degen nıetim bar. Sebebi bizde tehnologııa sala­syndaǵy úlken keńistik bos tur, talaı jobalardy júzege asyrýǵa bolady», deıdi Raýan Nurlybek.

Talabymen tanylǵan keıipkerimiz  «Aqbota», «Rýsskıı medvejonok» sekildi ıntellektýaldy baıqaýlarda birneshe ret jeńimpaz atanǵan. Jaqynda Almaty qalasyndaǵy №134 lıseıde ótken olımpıadada ınformatıka páninen 190 upaı jınap, I orynǵa ıe boldy. Respýblıkalyq jáne halyqaralyq olımpıadalarǵa belsendi daıyndalyp jatqan oqýshy 6-synyptan bastap kúrdeli tapsyrmalardy ońaı sheshetin erekshe qabiletimen kózge túsken. Ol ózin matematık, fızık jáne IT mamany dep sanaıdy.

Shahmat oınaǵanda qarsylas shaq keltirmeı­tin talapkerdiń logıkalyq oılaý qabiletiniń joǵarylyǵyna ustazdary da súısine qaraıdy. «Talaptyń oty aryndap» turǵan shaǵynda aldyna bıik maqsat qoıyp, tabysqa talpynǵan oqýshyǵa tolaǵaı jetistik tilegiń keledi.

ALMATY