Foto: Oblys ákiminiń baspasóz qyzmeti
О́ńir basshysy kópshilikti kele jatqan Jańa jyl merekesimen jáne ǵımarattyń ashylýymen quttyqtady.
«El Prezıdenti Joldaýynda balalardyń sportpen aınalysýyna jaǵdaı jasaý qajet ekenin aıtty. Osy baǵytta oblysta sport ınfraqurylymyn jaqsartýǵa kóńil bólinip jatyr. О́ńirde 3500-den astam sport nysany bar. Bıyl 11 aıda oblysta 10 iri sport kesheni paıdalanýǵa berildi. Túrkistan qalasy oblys ortalyǵy bolǵaly beri shaharda «Túrkistan-Arena» stadıony, «Olympic Center» sport kesheni, «Tennıs ortalyǵy», «Muz saraıy» ǵımarattary paıdalanýǵa berilip, sportshylarymyz tyńǵylyqty jattyǵyp jatyr. Qazirgi tańda eskek esý kanaly men halyqaralyq talapqa saı atshabardyń qurylysy júrgizilip jatyr. Bunyń bári – sport salasyna jasalǵan qamqorlyq ári úlken qoldaý. Al búgin qazaq halqynyń dańqty perzenti, Túrkistannan shyqqan Olımpıada chempıony Bekzat Sattarhanov atyndaǵy sport kesheni el ıgiligine berilip otyr. О́ńirde chempıonnyń atyn ulyqtaý baǵytynda júıeli jumystar atqarylyp keledi. Búgin ashylǵaly turǵan sport keshenin de el perzentine laıyqty qurmet dep bilemiz. Biz sportty damytý baǵytyndaǵy jumysty jalǵastyra beremiz», dedi Darhan Satybaldy.
Bekzattyń anasy Syrlykúl Sattarhanova ıgi iske muryndyq bolǵan azamattarǵa alǵysyn aıtyp, aımaqta «chempıonnyń izbasarlary kóbeıe bersin» degen tilegin jetkizdi.
«Samuryq-Qazyna» AQ korporatıvtik basqarý, áleýmettik-eńbek qatynastary jáne eńbekti qorǵaý jónindegi basqarýshy dırektory Ǵıbrat Aýǵanov ta kópshilikti quttyqtap, jańa ǵımarat chempıondardy daıarlaýǵa úlesin qosatynyn atap ótti.
Túrkistan oblysy ákiminiń baspasóz qyzmetiniń málim etýinshe ǵımarattyń qurylysyna oblys ákimdigi tarapynan 2,7 mlrd teńge baǵyttalǵan. «Samuryq-Qazyna» AQ kompanııalar toby atynan «Samruk-Kazyna Trust» qaıyrymdylyq qorynan tehnologııalyq qural-jabdyqpen qamtamasyz etýge, ishki árleýge, ınjenerlik ınfraqurylymmen qamtamasyz etýge 500 mln teńge bólingen. Ǵımarattyń aýdany – 7248 sharshy metr, jalpy jer aýdany – 1,8 gektar.
Sport kesheninde boks, qazaq kúresi, grek-rım, erkin kúres, áıelder kúresi, taekvondo, karate, ústel tennısi jáne oıyn sport túrlerin damytýǵa múmkindik bar. 300-den astam jankúıer syıatyn kórermen zaly, jattyǵý zaldarymen qamtylǵan. Respýblıkalyq jáne halyqaralyq jarystardy ótkizýge bolady.
Aıta ketsek, Túrkistan oblysynda sport qarqyndy damyp keledi. О́ńirde 29 olımpıadalyq, 34 ulttyq jáne olımpıadalyq emes sport túrleri damyp jatyr. Bıyl oblys sportshylary álem chempıonattarynan 106 medal, Azııa chempıonattarynan 214 medal jeńip aldy. Dúnıejúzilik kóshpeliler oıyndarynda 16 altyn, 10 kúmis, 5 qola medal oljalady.
