Halyqaralyq dzıýdo federasııasy (IJF) jańa olımpıadalyq maýsymǵa arnalǵan erejelerdiń jańartylǵan nusqasyn jarııalady. Bul ózgerister sportshylardyń áleýetin ashyp, dzıýdonyń negizgi qundylyqtaryn saqtaı otyryp, onyń damý deńgeıin jańa bıikke kóterýge arnalǵan.
Tehnıkalyq semınardyń qorytyndysy boıynsha «ıýko» upaıy, belden tómen ustaý jáne «aıýsha» ustaý ádisi qaıtaryldy. Degenmen, erejeler qoldanysqa engende sportshylardyń jańa qaǵıdalarǵa beıimdelýi biraz ýaqytty alary sózsiz. Bul týraly dzıýdodan Qazaqstan ulttyq quramasynyń bas bapkeri Nurbol Súleımenov óz pikirin bildirdi.
«Erejeler jaqsy jaqqa ózgergen. Barlyq ádis-tásilderdiń qaıta engizilýin durys dep esepteımin. Degenmen, «ıýko» upaıy kerek emes sekildi. Vazarı men ıpponnyń ózi jetkilikti bolar dep oılaımyn. Árıne, bastapqy ýaqytta jańa qaǵıdalar sportshylarǵa qıyndyq týǵyzary anyq. Degenmen bapkerler shtaby osy erejelerge saı jattyǵý jıyndaryn ótkizedi. Balýandardyń beıimdelýine bar kúsh jigerimizdi salamyz», deıdi bas bapker.
Eki kúndik semınar qorytyndysy boıynsha joǵaryda atalǵan erejeler 2025 jyldan bastap qoldanysqa enedi.
