Foto:Polisia.kz
Jábirlenýshiler tanymal «Orda» tobynyń konsertine kire almaı qalǵan sátte ǵana aldanǵandaryn túsinip, birden polısııaǵa júgingen. Sol sııaqty, basqa da azamattar reseılik tanymal ánshiniń keshine kirý úshin jalǵan QR kodtar satyp alǵan.
«Bıletterdiń quny 10 myńnan 20 myń teńgege deıin bolǵan, al jalpy keltirilgen shyǵyn shamamen 200 myń teńgeni qurady. Jedel-izdestirý is-sharalary barysynda Almaty aýdanynyń krımınaldyq polısııa bóliminiń qyzmetkerleri bul alaıaqtyqqa 18 jastaǵy azamattyń qatysy bar ekenin anyqtady. Kúdikti Instagram jelisinde jalǵan akkaýnt ashyp, tanymal ánshilerdiń konsertterine barýǵa múmkindik beretin, shyn máninde joq bıletterdi usynǵan. Polısııa qyzmetkerleri jábirlenýshiler aqsha aýdarǵan banktik shotty tekserý arqyly kúdiktini taba aldy. Tergeý barysynda jas jigit óz kinásin tolyq moıyndap, taǵy 11 alaıaqtyq áreket jasaǵany anyqtaldy», delingen habarlamada.
Qalalyq Polısııa departamenti azamattarǵa áleýmettik jelilerdegi jarnamalyq siltemeler arqyly bıletter satyp almaýdy surady.
