Oblystyń barlyq aýdan, qalasynan jınalǵan delegattar negizinen urpaq tárbıesi, kásipkerlikti damytý týraly pikir almasty. Besik pen álemdi qatar terbetetin názik júrek ıeleri arasynda óz isiniń maıtalmandary jeterlik. Olar qoǵam ómiriniń barlyq salasynda eseli eńbek etip júr. Shaǵyn jáne orta bıznes salasynda qyz-kelinshekterdiń qatary jyl sanap ósip kele jatyr. Forýmda negizinen áıelder kásipkerligin qoldaýǵa baǵyttalǵan naqty jobalar men bastamalardyń ortaǵa salynýy da sondyqtan. Osy salada jaqsy jetistikterge jetken qyz-kelinshekter partııanyń Alǵys hatymen marapattaldy.
Forým aıasynda ulttyq salt-dástúr dáriptelip, qaıyrymdylyq, meıirimdilik sharalary da ótkizildi. «Aýyl» partııasynyń belsendi múshesi Erden Satybaldın «Hareket» qorynyń atynan kópbalaly muqtaj otbasyna páter kiltin tabystady.
«Ulytaý oblysynyń áıelder forýmy mánimen de, sánimen de zor áserge bóledi. Jıyn jumysyn joǵary deńgeıde uıymdastyra bilgen Ulytaý oblystyq máslıhatynyń depýtaty, oblystyq «Meıirim qushaǵy» komıssııasynyń tóraǵasy Álııa Aıapbergenovanyń eńbegin erekshe atap ótkim keledi. Biz mundaı bastamalardy árqashan qoldaımyz», dedi Ulytaý oblysy ákiminiń orynbasary Zına Jumanazarqyzy Aqylbekova.
Jezqazǵan qalasy
